കവിയും നാടകകൃത്തുമായ കരിവെള്ളൂർ മുരളിക്ക്‌ പി ജെ ആന്റണി പുരസ്കാരം പി ജെ ആന്റണി പുരസ്കാരം. പുരസ്കാരം നൽകുന്നത്‌ പി ജെ ആന്റണി ഫൗണ്ടേഷനാണ്. 30,000 രൂപയും ശിൽപ്പവും പ്രശസ്തിപത്രവും അടങ്ങുന്നതാണ്‌ പുരസ്കാരം. പി ജെ ആന്റണിയുടെ ചരമവാർഷിക ദിനമായ മാർച്ച് 14ന് പുരസ്കാരം സമ്മാനിക്കും.
ALSO READ: ടീസറുമായി മോഹൻലാൽ; ‘വർഷങ്ങൾക്ക് ശേഷം’ ടീസറിൽ പഴയ ലാലേട്ടനെ കണ്ടെന്ന് ആരാധകർ
നടൻ, സംവിധായകൻ, ഗാനരചയിതാവ്, പ്രഭാഷകൻ എന്നീ മേഖലകളിൽ വ്യക്തിമുദ്ര പതിപ്പിച്ച കലാകാരൻ ആണ് കരിവെള്ളൂർ മുരളി. കേരള സംഗീത നാടക അക്കാദമി സെക്രട്ടറി കൂടിയാണ് അദ്ദേഹം. ചെ ഗുവേര, അബൂബക്കറിന്റെ ഉമ്മ പറയുന്നു, കുരുതിപ്പാടം, അഗ്രയാനം തുടങ്ങി അറുപതോളം നാടകങ്ങൾ രചിച്ചിട്ടുണ്ട്. ശാസ്ത്രസാഹിത്യ പരിഷത്തിന്റെ ശാസ്ത്രകലാ ജാഥകളിലെ നാടകങ്ങളുടെ രചനയും സംവിധാനവും 25 വർഷം തുടർച്ചയായി നിർവഹിച്ചു. കേരള സാഹിത്യ അക്കാദമി അവാർഡ് ഉൾപ്പെടെ നിരവധി പുരസ്കാരങ്ങളും നേടിയിട്ടുണ്ട്.
ALSO READ: നാല് വർഷത്തിന് ശേഷം പ്രിയ സംവിധായകനെത്തുന്നു സൽമാൻ ഖാനൊപ്പം; ബിഗ് ബജറ്റ് ചിത്രം അണിയറയിൽ
ഡോ. ചന്ദ്രദാസൻ, ജോൺ ഫെർണാണ്ടസ്, സഹീർ അലി എന്നിവരടങ്ങിയ പുരസ്കാരസമിതിയാണ് അവാർഡ് നിർണയിച്ചത്‌.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
