മധ്യപ്രദേശ് തെരഞ്ഞെടുപ്പ്: ആദ്യമണിക്കൂറുകളിൽ 11 ശതമാനം പോളിങ്

മധ്യപ്രദേശ് നിയമസഭാ തെ​ര​ഞ്ഞെ​ടു​പ്പിന്‍റെ പോളിങ് പുരോഗമിക്കുന്നു. ആദ്യമണിക്കൂറുകളിൽ 11 ശതമാനം പോളിങ് രേഖപ്പെടുത്തിയാതായി കണക്കുകൾ സൂചിപ്പിക്കുന്നു.

ALSO READ: ടൂറിസം മേഖലയിൽ മികച്ച വിജയം കൈവരിച്ച് വാഗമൺ ഗ്ലാസ് ബ്രിഡ്ജ്

ഏഴ് മണിക്കാണ് സംസ്ഥാനങ്ങളിൽ പോളിങ് ആരംഭിച്ചത്. മധ്യപ്രദേശ് നിയമസഭാ തെ​ര​ഞ്ഞെ​ടു​പ്പിന്‍റെയും ഛത്തീസ്ഗഡിലെ 70 മ​ണ്ഡ​ല​ങ്ങ​ളി​ലേക്കുമു​ള്ള രണ്ടാംഘട്ട വോട്ടെടുപ്പാണ് ഇന്ന് നടക്കുന്നത്. മധ്യപ്രദേശിൽ 230 സീറ്റുകളിലേക്ക് മത്സരിക്കുന്നത് 2533 സ്ഥാനാർത്ഥികൾ. ഡിസംബർ മൂന്നിന് ആണ് ഫലം പ്രഖ്യാപിക്കുക.

ALSO READ: ശബരിമല മതേതരത്വത്തിന്റെ പ്രതീകം, മണ്ഡലകാല ഒരുക്കങ്ങൾ പൂർത്തിയായി; മന്ത്രി കെ രാധാകൃഷ്ണൻ

ഛത്തീസ്ഗഡില്‍ 958 സ്ഥാനാര്‍ത്ഥികളാണ് രണ്ടാംഘട്ടത്തില്‍ ജനവിധി തേടുന്നത്. വോട്ടെടുപ്പിനായി 18,833 പോളിങ് ബൂത്തുകളാണ് സംസ്ഥാനത്ത് സ്ഥാപിച്ചത്. മൊത്തം 90 സീറ്റുള്ള ഛത്തീസ്ഗഡിൽ 20 സീറ്റിലേക്ക് ആദ്യഘട്ടം വോട്ടെടുപ്പ് ഈ മാസം 7നു നടന്നു. മിസോറമിലും 7നു ആയിരുന്നു വോട്ടെടുപ്പ്. രാജസ്ഥാൻ (നവംബർ 25), തെലങ്കാന (30) എന്നിവിടങ്ങളിലെ പോളിങ്ങിനു ശേഷം വോട്ടെണ്ണൽ ഡിസംബർ 3നു നടക്കും.