കേന്ദ്ര ഗതാഗത മന്ത്രാലയത്തിന്റെ കീഴിലുള്ള വാഹൻ PUCC പോർട്ടൽ സാങ്കേതിക കാരണങ്ങളാൽ പ്രവർത്തനരഹിതമാണ്. 22.02.2025 മുതലാണ് പോർട്ടൽ പ്രവർത്തനരഹിതമായത്. സോഫ്റ്റ്‌വെയറുമായി ബന്ധപ്പെട്ട സർവറിൽ അറ്റകുറ്റപ്പണികൾ നടക്കുന്നതാണ് തകരാറിന് കാരണം.
സെർവറിൽ അറ്റകുറ്റപ്പണികൾ നടക്കുന്നതിനാൽ രാജ്യ വ്യാപകമായി ഈ പ്രശ്നം നിലനിൽക്കുന്നുണ്ടെന്നും വകുപ്പ് അറിയിച്ചു. സോഫ്റ്റ്‌വെയറിന്റെ തകരാറുകൾ എത്രയും വേഗത്തിൽ പരിഹരിച്ച് പോർട്ടൽ എത്രയും വേഗം പ്രവർത്തന യോഗ്യമാക്കണമെന്ന് ഗതാഗത വകുപ്പ് നിർദേശം നൽകിയിട്ടുണ്ട്. ഗതാഗത വകുപ്പിന്റെ സോഫ്റ്റ്‌വെയറുകൾ കൈകാര്യം ചെയ്യുന്നത് നാഷണൽ ഇൻഫോർമാറ്റിക്സ് സെൻ്ററാണ്.
സോഫ്റ്റ്‌വെയറിന്റെ തകരാർ നിലനിൽക്കുന്നതിനാൽ 22.02.25 മുതൽ 27.02.25 രെയുള്ള കാലയളവിൽ പുക പരിശോധന സർട്ടിഫിക്കറ്റിൻ്റെ (PUCC) കാലാവധി അവസാനിച്ച വാഹനങ്ങളുടെ മേൽ പിഴ ചുമത്തുന്നത് ഒഴിവാക്കിയിരിക്കുന്നു എന്ന അറിയിപ്പും പുറപ്പെടുവിച്ചിട്ടുണ്ട്.
Also Read: ടെസ്‌ല കാറിന് ഇന്ത്യയില്‍ എത്ര ചെലവാകും; ഇറക്കുമതി തീരുവ കുറച്ചാലുള്ള വില അറിയാം
വിവരം അറിയിച്ചുകൊണ്ട് കേരളാ എംവിഡിയുടെ ഫേസ്ബുക്ക് പേജിൽ കുറുപ്പ് പങ്കുവെച്ചിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
