അഡീഷണല്‍ ഗതാഗത കമ്മീഷണറും കെഎസ്ആര്‍ടിസി ജോയിന്റ് മാനേജിങ് ഡയറക്ടറുമായ പ്രമോജ് ശങ്കറിന് കെഎസ്ആര്‍ടിസി എംഡിയുടെ ചുമതല നല്‍കി. കെഎസ്ആര്‍ടിസി സ്വിഫ്റ്റിന്റെ ചെയര്‍മാന്‍ ആന്‍ഡ് മാനേജിങ് ഡയറക്ടറുടെ അധിക ചുമതലയും നല്‍കി. ഐഒഎഫ്എസ് ഉദ്യോഗസ്ഥനായ പ്രമോജ് ശങ്കര്‍ തിരുവനന്തപുരം വെമ്പായം സ്വദേശിയാണ്.
ബിജു പ്രഭാകര്‍ സ്ഥാനമൊഴിഞ്ഞതിനെ തുടര്‍ന്നാണ് നിയമനം. ഗതാഗത സെക്രട്ടറി സ്ഥാനവും ബിജു പ്രഭാകര്‍ ഒഴിഞ്ഞിരുന്നു. ലേബര്‍ കമ്മീഷണറും സെക്രട്ടറിയുമായ കെ.വാസുകിക്കാണ് ഗതാഗതവകുപ്പ് സെക്രട്ടറിയുടെ അധികച്ചുമതല നല്‍കിയിരിക്കുന്നത്.
ALSO READ:കെപിഎസി ലളിതയുടെ കഥാപാത്രങ്ങളുടെ ഓർമ്മയിൽ പുസ്തകം; കവർ പുറത്തുവിട്ട് മകൻ സിദ്ധാർഥ് ഭരതൻ
വ്യവസായ വകുപ്പില്‍ മൈനിങ് ജിയോളജി, പ്ലാന്റേഷന്‍, കയര്‍, ഹാന്‍ഡ്ലൂം, കാഷ്യൂ വകുപ്പുകള്‍ക്കു പുറമേ ഗതാഗത വകുപ്പില്‍നിന്ന് റെയില്‍വേ, മെട്രോ, ഏവിയേഷന്‍ എന്നിവയുടെ ചുമതലയും ബിജു പ്രഭാകറിന് നല്‍കി. ഗുരുവായൂര്‍ ദേവസ്വം കമ്മീഷണറുടെയും കൂടല്‍മാണിക്യം ദേവസ്വത്തിന്റെയും ചുമതലയും നല്‍കിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
