റെയിൽവേ സ്റ്റേഷനുകളിലും വിമാനത്താവളങ്ങളിലും ലഭ്യമാകുന്ന അതിവേഗ സൗജന്യ വൈഫൈ കണക്ഷനുകൾ യാത്രക്കാർക്ക് വലിയൊരു ആശ്വാസമാണ്. എന്നാൽ, സുരക്ഷാ മുൻകരുതലുകളില്ലാതെ ഇത്തരം പബ്ലിക് നെറ്റ്വർക്കുകളെ ആശ്രയിക്കുന്നത് നിങ്ങളുടെ സ്വകാര്യ വിവരങ്ങളും ബാങ്കിംഗ് രേഖകളും സൈബർ തട്ടിപ്പുകാർക്ക് മുന്നിൽ തുറന്നുവെക്കുന്നതിന് തുല്യമാണ്. നിസ്സാരമെന്നു തോന്നുന്ന അശ്രദ്ധകൾ വലിയ സാമ്പത്തിക നഷ്ടങ്ങൾക്കും ഡാറ്റാ ചോർച്ചയ്ക്കും വഴിതെളിച്ചേക്കാം. അതിനാൽ, യാത്രയ്ക്കിടയിൽ വൈഫൈ ഉപയോഗിക്കുമ്പോൾ ഓരോ യാത്രികനും അറിഞ്ഞിരിക്കേണ്ട സുരക്ഷാ മുൻകരുതലുകൾ ഏറെയാണ്.
ഔദ്യോഗിക നെറ്റ്വർക്കുകൾക്ക് സമാനമായ പേരുകളിൽ വ്യാജ വൈഫൈ സിഗ്നലുകൾ നിർമ്മിച്ച് ഇരകളെ കാത്തിരിക്കുന്നതാണ് ഹാക്കർമാരുടെ പ്രധാന രീതി. വൈഫൈ കണക്ട് ചെയ്യുമ്പോൾ അനാവശ്യമായ പെർമിഷനുകൾ (Permissions) ചോദിക്കുന്നുണ്ടെങ്കിൽ ആ നെറ്റ്വർക്ക് ഒഴിവാക്കുന്നതാണ് ബുദ്ധി. കൂടാതെ, പേജുകൾ ലോഡ് ചെയ്യാൻ അമിതമായി സമയമെടുക്കുന്നതും അപായസൂചനയായി കരുതണം. ഫോണിലെ ‘ഓട്ടോ ജോയിൻ’ (Auto-join) ഫീച്ചർ ഓഫ് ചെയ്യുന്നതാണ് ഏറ്റവും സുരക്ഷിതമായ മാർഗ്ഗം. ഇത് നിങ്ങൾ അറിയാതെ തന്നെ ഫോൺ അപകടകരമായ വൈഫൈ സിഗ്നലുകളുമായി കണക്ട് ആകുന്നത് തടയും.
ALSO READ : ആധാർ കാർഡിൽ പേര് തെറ്റാണോ? തിരുത്താൻ പുതിയ നിബന്ധകൾ ഏർപ്പെടുത്തി കേന്ദ്രം
നമ്മൾ ആപ്പുകൾ ഉപയോഗിക്കാത്ത സമയത്ത് പോലും പശ്ചാത്തലത്തിൽ വിവരങ്ങൾ കൈമാറാൻ സാധ്യതയുണ്ട്. ഇത് നിയന്ത്രിക്കാനായി ‘പ്രൈവസി ഫയർവാൾ’ (Privacy Firewall) ആപ്പുകൾ ഇൻസ്റ്റാൾ ചെയ്യുന്നത് ഗുണകരമാകും. ബ്രൗസിംഗ് കൂടുതൽ സുരക്ഷിതമാക്കാൻ ബ്രൗസറിലെ ‘ഡിഎൻഎസ് ഓവർ എച്ച്ടിടിപി’ (DNS over HTTPS) സംവിധാനം പ്രയോജനപ്പെടുത്താം.
സന്ദർശിക്കുന്ന വെബ്സൈറ്റുകളുടെ വിവരങ്ങൾ എൻക്രിപ്റ്റ് ചെയ്യുന്നതിലൂടെ ഹാക്കർമാർ നിങ്ങളെ വ്യാജ സൈറ്റുകളിലേക്ക് വഴിതിരിച്ചുവിടുന്നത് (Phishing) തടയാൻ സാധിക്കും.സൗജന്യ വൈഫൈ ഉപയോഗിക്കുമ്പോൾ നിങ്ങളുടെ ബാങ്ക് വിവരങ്ങൾ ചോരാൻ സാധ്യതയുണ്ടോ? യാത്രകളിൽ പബ്ലിക് വൈഫൈ ഉപയോഗിക്കുമ്പോൾ ശ്രദ്ധിക്കേണ്ട 5 സുരക്ഷാ മുൻകരുതലുകൾ അറിയാം. സുരക്ഷിതമായിരിക്കൂ
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
