ഉച്ചയ്ക്ക് ഊണ് കഴിക്കാൻ തോന്നുന്നില്ലേ? പഞ്ചാബി സ്റ്റൈൽ പനീർ പറാത്ത ട്രൈ ചെയ്യാം

ഉച്ചയ്ക്ക് ചോറ് കഴിക്കാൻ തോന്നുന്നില്ലെങ്കിൽ പഞ്ചാബി സ്റ്റൈൽ പനീർ പറാത്ത പരീക്ഷിക്കാം. മലയാളികൾക്ക് ഏറ്റവും ഇഷ്ടമുള്ള ഒന്നാണ് പൊറോട്ട. എന്നാൽ ഈ പനീർ പറാത്ത അധികം ആരും ട്രൈ ചെയ്തിട്ടുണ്ടാവില്ല. എളുപ്പത്തിൽ ഒരുപാട് ചെരുവുകൾ ഒന്നും ആവശ്യമില്ലാതെ തയ്യാറാക്കാൻ കഴിയുന്ന ഒരു വിഭവം കൂടിയാണിത്. പനീറും മസാലകളും ഗോതമ്പുമാവിൽ ചേർത്താൽ ഈ വിഭവം റെഡി.

തയ്യാറാക്കാൻ ആവശ്യമായ ചേരുവകൾ

½ ടീസ്പൂൺ ജീരകപ്പൊടി
1 ടീസ്പൂൺ ആംചൂർ (ഉണങ്ങിയ മാങ്ങാ) പൊടി
½ ടീസ്പൂൺ മുളകുപൊടി
1 ഇഞ്ച് ഇഞ്ചി
2 മുളക് അരിഞ്ഞത്
2 ടീസ്പൂൺ മല്ലിയില നന്നായി അരിഞ്ഞത്
½ ടീസ്പൂൺ ഉപ്പ്

മാവിന്:
2 കപ്പ് ഗോതമ്പ് മാവ്
½ ടീസ്പൂൺ ഉപ്പ്
½ ടീസ്പൂൺ അയമോദകം
കുഴയ്ക്കാൻ വെള്ളം

Also read – ചിക്കൻ കൊണ്ടൊരു ഹെൽത്തി ഫുഡ് ട്രൈ ചെയ്താലോ? ഈ മൂന്ന് ചേരുവകൾ മാത്രം മതി

തയ്യാറാക്കുന്ന വിധം

ആദ്യം ഒരു വലിയ ബൗളിൽ 2 കപ്പ് പനീർ, ½ ടീസ്പൂൺ ജീരകപ്പൊടി, 1 ടീസ്പൂൺ ആംചൂർ പൊടി, ½ ടീസ്പൂൺ മുളകുപൊടി, 1 ഇഞ്ച് ഇഞ്ചി നന്നായി അരിഞ്ഞത്, 2 മുളക്, 2 ടീസ്പൂൺ മല്ലിയില, ½ ടീസ്പൂൺ ഉപ്പ് എന്നിവ ചേർക്കുക. ഈ മിക്സ് നന്നായി ഇളക്കി സംയോജിപ്പിക്കുക. പറാത്ത തയ്യാറാക്കാൻ ആദ്യം, ഒരു വലിയ ബൗളിൽ 2 കപ്പ് ഗോതമ്പ് മാവ് ½ ടീസ്പൂൺ ഉപ്പും ½ ടീസ്പൂൺ അയമോദകം എന്നിവ ചേർക്കുക.ആവശ്യാനുസരണം വെള്ളം ചേർത്ത് കുഴയ്ക്കുക. മാവ് മൃദുലമാകുമ്പോൾ എണ്ണ ചേർത്ത് 20 മിനിറ്റ് മാറ്റി വയ്ക്കുക. ശേഷം ഒരു നാരങ്ങയുടെ വലുപ്പത്തിൽ മാവിൽ നിന്ന് ഉരുണ്ടകൾ ഉണ്ടാക്കുക. ഈ ഉരുണ്ട പരത്തി എടുക്കുക ഇതിലേക്ക് ആവശ്യം പോലെ പനീർ സ്റ്റഫിങ് ചേർക്കുക. ശേഷം ഈ മാവ് മടക്കിയെടുത്ത് വീണ്ടും പരത്തുക. കുറച്ചു ഗോതമ്പ് മാവ് പുരട്ടി മിനുസമാക്കുക. ശേഷം ഒരു പാനിൽ എണ്ണ ചേർത്ത് ചപ്പാത്തി ചുടുന്നത് പോലെ ചുട്ടെടുക്കാം. സ്വാദിഷ്ടമായ പനീർ പറാത്ത തയ്യാർ