പുതുപ്പള്ളി ഉപതെരഞ്ഞെടുപ്പില്‍ എല്‍ഡിഎഫ് സ്ഥാനാര്‍ഥിയെ നാളെ പ്രഖ്യാപിക്കും. സി പി ഐ എം സംസ്ഥാന സെക്രട്ടറിയേറ്റ് യോഗത്തില്‍ സ്ഥാനാര്‍ത്ഥിയെ സംബന്ധിച്ച് തീരുമാനമായി. പുതുപ്പള്ളി ഉപതെരഞ്ഞെടുപ്പിൻ്റെ പശ്ചാത്തലത്തിലാണ് സി പി ഐഎം സംസ്ഥാന സെക്രട്ടറിയറ്റ് യോഗം എ കെ ജി സെന്‍ററിൽ ചേർന്നത്.
എൽഡിഎഫ് സ്ഥാനാർത്ഥി സംബന്ധിച്ച് യോഗത്തിൽ ധാരണയായി.നാളെ കോട്ടയത്ത് ഔദ്യോഗിക പ്രഖ്യാപനം ഉണ്ടാകുമെന്ന് മന്ത്രി വി എൻ വാസവൻ പറഞ്ഞു.
വേറെ സ്ഥാനാർത്ഥി വരുമെന്ന് പേടിച്ചാണ് കോൺഗ്രസ് നേരത്തെ സ്ഥാനാർത്ഥിയെ പ്രഖ്യാപിച്ചതെന്ന് എൽഡിഎഫ് കൺവിനർ ഇ.പി.ജയരാജൻ പറഞ്ഞു.
കോൺഗ്രസിനാണ് പെപ്രാളവും വേവലാതിയുമെന്നും പുതുപ്പള്ളിയിലെ ജനങ്ങൾ എൽ ഡി എഫിനൊപ്പമാണെന്നും ഇ.പി.ജയരാജൻ പറഞ്ഞു. മുഖ്യമന്ത്രി പിണറായി വിജയൻ ഉൾപ്പെടെയുള്ള നേതാക്കൾ യോഗത്തിൽ പങ്കെടുത്തു. 13,14 തീയ്യതികളിൽ സംസ്ഥാന കമ്മിറ്റിയോഗം ചേരും.
ALSO READ: ആരോഗ്യ മേഖലയ്ക്ക് 558.97 കോടി അനുവദിച്ച്‌ തദ്ദേശ സ്വയംഭരണ വകുപ്പ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
