റെയിൽവേ സ്റ്റേഷൻ പണിതത് വെറും ആറ് മണിക്കൂർ കൊണ്ട് !! അത്ഭുതപെടേണ്ട.. ആ സ്റ്റേഷൻ ഇവിടെയാണ്

ആ​റു മ​ണി​ക്കൂ​ർ കൊണ്ട് എന്തൊക്കെ നിർമ്മിക്കാനാകും ? ഒരു റെയിൽവേ സ്റ്റേഷൻ നിർമ്മിക്കാനാകുമോ ? ആകുമെന്ന് തെളിയിച്ചിരിക്കുകയാണ് ജപ്പാൻകാർ .വെ​റും ആ​റു മ​ണി​ക്കൂ​ർ കൊണ്ട് റെ​യി​ൽ​വേ സ്റ്റേ​ഷ​ൻ നി​ർ​മി​ച്ച് ലോ​ക​ത്തെ അ​മ്പ​രപ്പി​ച്ചി​രി​ക്കു​ക​യാ​ണ് ജ​പ്പാ​ൻ​കാ​ർ. ജ​പ്പാ​നി​ലെ പ്ര​മു​ഖ റെ​യി​ൽ​വേ ഓ​പ​റേ​റ്റ​റാ​യ വെ​സ്റ്റ് ജ​പ്പാ​ൻ റെ​യി​ൽ​വേ ക​മ്പ​നി​യാ​ണ് ഈ നേട്ടം കൈവരിച്ചത് .
ഹ​റ്റ്സു​ഷി​മ​യി​ൽ 3ഡി ​പ്രി​ന്റി​ങ് സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് മ​ണി​ക്കൂ​റു​ക​ൾ​കൊ​ണ്ടാണ് ലോ​ക​ത്തി​ലെ ഈ ​ആ​ദ്യ ത്രീ​ഡി പ്രി​ന്റ​ഡ് റെ​യി​ൽ​വേ സ്റ്റേ​ഷ​ൻ നി​ർ​മി​ച്ച​ത്.
1948ൽ ​നി​ർ​മി​ച്ച പ​ഴ​യ റെ​യി​ൽ​വേ സ്റ്റേ​ഷ​നാ​ണ് പുതിയ സാങ്കേതിക വിദ്യ ഉപയോഗിച്ചുകൊണ്ട് പുതുക്കിപ്പണിതത്. ഒരു ദിവസം സ്റ്റേ​ഷ​നി​ലെ അ​വ​സാ​ന ട്രെ​യി​ൻ പോ​യശേ​ഷം നിർമ്മാണം ആരംഭിക്കുകയും പി​റ്റേ​ന്ന് ആ​ദ്യ ട്രെ​യി​ൻ ഓ​ടി​ത്തു​ട​ങ്ങും മു​മ്പ് നിർമ്മാണം പൂ​ർ​ത്തി​യാ​ക്കുകയും ചെയ്തു. കു​മാ​മോ​ട്ടോ പ്രി​ഫെ​ക്ച​റി​ലെ ഒ​രു അ​ത്യാ​ധു​നി​ക ഫാ​ക്ട​റി​യി​ലാ​ണ് റെ​യി​ൽ​വേ സ്റ്റേ​ഷ​ന്റെ ഭാ​ഗ​ങ്ങ​ൾ നി​ർ​മി​ച്ച​ത്. പി​ന്നീ​ട് ഇ​വ ഹ​റ്റ്സു​ഷി​മ​യി​ലെ​ത്തി​ച്ച് കൂ​ട്ടി​ച്ചേ​ർ​ക്കു​ക​യാ​യി​രു​ന്നു. ​സ്റ്റേ​ഷ​ന്റെ നി​ർ​മാ​ണ​ത്തി​ന്, കോ​ൺ​ക്രീ​റ്റി​ന് സ​മാ​ന​മാ​യ പ്ര​ത്യേ​ക മെ​റ്റീ​രി​യ​ലു​ക​ൾ ഉ​പ​യോ​ഗി​ച്ച് ഘ​ട​നാ​പ​ര​മാ​യ ഭാ​ഗ​ങ്ങ​ൾ വ​ലി​യ തോ​തി​ലു​ള്ള ത്രീ​ഡി പ്രി​ന്റ​റു​ക​ൾ വ​ഴി രൂ​പ​പ്പെ​ടു​ത്തി​യി​ട്ടു​ണ്ട്.

ALSO READ : ‘കമ്മ്യൂണിസ്റ്റ് മാര്‍പ്പാപ്പ എന്ന് ചിലര്‍ വിമര്‍ശിച്ചിട്ടുണ്ട്, നിസ്വരായവര്‍ക്കൊപ്പം നിന്ന മനുഷ്യസ്‌നേഹി’; മാര്‍പ്പാപ്പയുടെ ഓര്‍മകള്‍ കൈരളിയോട് പങ്കുവെച്ച് എം എ ബേബി

ജൂ​ലൈ​യിൽ സ്റ്റേ​ഷ​ന്റെ ഔ​ദ്യോ​ഗി​ക ഉ​ദ്ഘാ​ട​നം ഉണ്ടാകുമെ​ന്നാ​ണ് പ്ര​തീ​ക്ഷ. സ്റ്റേ​ഷ​ന്റെ പ്ര​ധാ​ന ഘ​ട​ന പൂ​ർ​ത്തി​യാ​യെ​ങ്കി​ലും ഇ​ന്റീ​രി​യ​ർ ജോ​ലി​ക​ളും ടി​ക്ക​റ്റ് മെ​ഷീ​നു​ക​ൾ, സ്മാ​ർ​ട്ട് കാ​ർ​ഡ് റീ​ഡ​റു​ക​ൾ, യാ​ത്ര​ക്കാ​ർ​ക്കു​ള്ള മ​റ്റ് സൗ​ക​ര്യ​ങ്ങ​ൾ എ​ന്നി​വ സ്ഥാ​പി​ക്കു​ന്ന പ്ര​വ​ർ​ത്ത​ന​ങ്ങ​ളും തു​ട​രു​ക​യാ​ണ്.