വീട്ടില്‍ കളിച്ച് കൊണ്ടിരുന്ന മൂന്ന് വയസ്സുകാരിയെ കൂട്ടിക്കൊണ്ടുപോയി ബലാത്സംഗം ചെയ്ത് കൊന്നു

വീട്ടില്‍ കളിച്ചുകൊണ്ടിരുന്ന മൂന്ന് വയസ്സുകാരിയെ കൂട്ടിക്കൊണ്ടുപോയി ബലാത്സംഗം ചെയ്ത് കൊന്നു. മൃതദേഹം ഉപേക്ഷിച്ച നിലയിലാണ് കണ്ടെത്തിയത്. രക്തത്തില്‍ കുതിര്‍ന്ന നിലയിലായിരുന്നു. ഹരിയാണയിലെ നൂഹ് ജില്ലയിലാണ് സംഭവം.

പെണ്‍കുട്ടി താമസിക്കുന്ന അതേ ഗ്രാമത്തിലുള്ളതാണ് പ്രതി. ഇയാൾ അറസ്റ്റിലായെന്നും ചോദ്യം ചെയ്യല്‍ പുരോഗമിക്കുകയാണെന്നും പിനാങ്വ പൊലീസ് അറിയിച്ചു. മരോര ഗ്രാമത്തിന് സമീപത്തു നിന്നാണ് പ്രതിയെ പിടികൂടിയത്. ശനിയാഴ്ച വൈകിട്ട് നാലോടെയാണ് കുട്ടിയെ കാണാതായ വിവരം ബന്ധുക്കള്‍ അറിഞ്ഞത്. ഉടനെ തെരച്ചില്‍ ആരംഭിച്ചു. രാത്രി 11ഓടെ മൃതദേഹം കണ്ടെത്തുകയായിരുന്നു.

Read Also: കുളിക്കുന്നതിനിടെ ഹീറ്റർ പൊട്ടിത്തെറിച്ചു: യുപിയിൽ നവവധുവിന് ദാരുണാന്ത്യം

പ്രാഥമിക പരിശോധനയില്‍ കുട്ടി ബലാത്സംഗത്തിനിരയായി കൊല്ലപ്പെട്ടതാണെന്ന സൂചനയാണുള്ളത്. കുട്ടി ബലാത്സംഗത്തിന് ഇരയായിട്ടുണ്ടെന്നും കാലുകള്‍ ഒടിഞ്ഞിട്ടുണ്ടെന്നും ബന്ധുക്കള്‍ പരാതിപ്പെട്ടു. മൃതദേഹം പോസ്റ്റ് മോര്‍ട്ടത്തിനായി അയച്ചു.

News Summary: A three-year-old girl was kidnapped, raped and murdered while she was playing at home. Her body was found abandoned. It was soaked in blood. The incident took place in Nuh district of Haryana.