നിലപാടുകള് പറയുമ്പോള് നഷ്ട്ടങ്ങളുണ്ടാവാമെന്ന് നടി രമ്യ നമ്പീശൻ. പല സാഹചര്യങ്ങള്കൊണ്ടും സിനിമയില്ലാത്ത അവസരമുണ്ടായിരുന്നുവെന്ന് രമ്യാ നമ്പീശന് വെളിപ്പെടുത്തി. ബി 32 മുതല് 44 വരെ എന്ന ചിത്രത്തിന്റെ പ്രചാരണവുമായി ബന്ധപ്പെട്ട് നടത്തിയ വാര്ത്താ സമ്മേളനത്തിലാണ് നടി ഇക്കാര്യം പറഞ്ഞത്.
പല സാഹചര്യങ്ങള്കൊണ്ടും സിനിമയില്ലാത്ത അവസരമുണ്ടായിരുന്നു. അതിന് 24 മണിക്കൂറും വീട്ടിലിരുന്ന് കരയുന്നയാളല്ല ഞാന്. ചില സാഹചര്യങ്ങളില് ചില നിലപാടുകളെടുക്കുമ്പോള് നമ്മുടെ ഇന്ഡസ്ട്രിക്ക് ഒരു പ്രത്യേക സ്വഭാവമുള്ളതുകൊണ്ടും നമുക്ക് പല കാര്യങ്ങളും നഷ്ടപ്പെടാം. അതിനെ ഭയങ്കര വൈകാരികമായി കാണുന്നതിനേക്കാള് കൂടുതല് വളരെ അഭിമാനത്തോടുകൂടിയാണ് ഞാന് കാണുന്നത്. രമ്യ നമ്പീശൻ വ്യക്തമാക്കി.
അര്ഹിക്കുന്ന ന്യായമായ വേതനം നടിമാര്ക്ക് കിട്ടുന്നുണ്ടോ എന്ന് സംശയമാണെന്ന് രമ്യാ നമ്പീശന് പറഞ്ഞു. നടന്മാരെ കേന്ദ്രീകരിച്ചുതന്നെയാണ് ഇപ്പോഴും സിനിമ നടക്കുന്നത്. തുല്യവേതനം എന്ന അവസ്ഥയിലേക്ക് നമ്മുടെ സിനിമയും ഇന്ഡസ്ട്രിയും വളരണമെന്നാണ് തന്റെ ആഗ്രഹം എന്നും നടി കൂട്ടിച്ചേർത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
