കൊവിഡ് കാലം തുടക്കമിട്ട കൊറിയൻ ക്രേസ്: ഇന്ത്യയെ കീഴടക്കി ‘ഹാല്യു’ ട്രെൻഡ്

‘ഹാ​ല്യു’ ട്രെൻഡ് അറിയാത്ത ഇന്ത്യക്കാർ ഉണ്ടാകില്ലല്ലോ. ഇ​ന്ത്യ​യി​ൽ ‘ഹാ​ല്യു’ എ​ന്ന​റി​യ​പ്പെ​ടു​ന്ന കൊ​റി​യ​ൻ സം​സ്കാ​ര​ത്തി​ന്റെ സ്വാധീനം വൻതോതിൽ വർധിക്കുകയാണ്. 2022 മു​ത​ലാ​ണ് കൊ​റി​യ​ൻ സാംസ്കാരിക സ്വാ​ധീ​നം ഇ​വി​ടെ കൂ​ടു​ത​ലാ​യി പ്രകടമായി തു​ട​ങ്ങി​യ​തെ​ങ്കി​ലും, കൊവിഡ് കാലഘട്ടമാണ് ഇതിന്റെ വളർച്ചയിൽ നിർണ്ണായക പങ്ക് വഹിച്ചത്.

കു​ടും​ബ ബ​ന്ധ​ങ്ങ​ൾ​ക്കും സൗ​ന്ദ​ര്യ​ശാ​സ്ത്ര​ത്തി​നും ഭ​ക്ഷ​ണ സം​സ്കാ​ര​ത്തി​നും പ്രാധാന്യം നൽകുന്ന ഈ കൊറിയൻ ശൈലി ഇന്ന് ഇന്ത്യൻ യുവാക്കളുടെ ദൈനംദിന ജീവിതത്തിന്റെ ഭാഗമായി മാറിക്കഴിഞ്ഞു. കൊ​വി​ഡ് മ​ഹാ​മാ​രി​ക്കാ​ല​ത്ത് ഓ​ൺ​ലൈ​ൻ സ്ട്രീ​മി​ങ് പ്ലാ​റ്റ്ഫോ​മു​ക​ളി​ലൂ​ടെ എത്തിയ കൊറിയൻ ഡ്രാമകളും (K-Drama) കെ-പോ​പും (K-Pop) ഇ​ന്ത്യ​ൻ യു​വ​ത​യു​ടെ ഹൃ​ദ​യ​ത്തി​ലേയ്​ക്ക് വേ​രി​റ​ങ്ങുകയായിരുന്നു. പ്രത്യേകിച്ചും ബി.​ടി.​എ​സ് പോ​ലു​ള്ള സംഗീത ബാൻഡുകളുടെ ആ​രാ​ധ​ക വൃന്ദമായ ‘ആർമി’ (ARMY) രാജ്യത്ത് സജീവമായി. സ്ക്രീനുകളിൽ വികാരങ്ങൾ പ്രകടിപ്പിക്കാനും ക്ഷമ ചോദിക്കാനും മടിയില്ലാത്ത പുരുഷ കഥാപാത്രങ്ങളാണ് കെ-ഡ്രാമകളിലേയ്ക്ക് ഇന്ത്യൻ പ്രേക്ഷകരെ ആകർഷിക്കുന്ന പ്രധാന ഘടകം.

Also read: പരവൂർ പുറ്റിങ്ങൽ വെടിക്കെട്ട് ദുരന്തക്കേസ് : വിചാരണ നടപടികൾ 2026 ഫെബ്രുവരിയിലേയ്ക്ക് മാറ്റി; പ്രതിക്കെതിരെ വീണ്ടും വാറണ്ട്

കൊറിയൻ ഭക്ഷണത്തോടുള്ള താല്പര്യം മെട്രോ നഗരങ്ങളിൽ വലിയ തോതിലാണ് വർധിച്ചിട്ടുള്ളത്. സ്വി​ഗ്ഗി​യു​ടെ ഡേറ്റ റി​പ്പോ​ർ​ട്ട് അ​നു​സ​രി​ച്ച് ബം​ഗ​ളൂ​രു, മും​ബൈ തുടങ്ങിയ നഗരങ്ങളിൽ കൊറിയൻ ഭക്ഷണത്തിനുള്ള ഓർഡറുകളിൽ 50 ശതമാനത്തോളമാണ് വർധിച്ചത്.

ഓവർ സൈസ്ഡ് വസ്ത്രങ്ങളും സ്നീക്കറുകളും ഉൾപ്പെടുന്ന കൊറിയൻ ഫാഷനും, ‘ഗ്ലാസ് സ്കിൻ’ എന്നറിയപ്പെടുന്ന സൗന്ദര്യ സങ്കൽപ്പങ്ങളും യുവാക്കൾക്കിടയിൽ തരംഗമാണ്. വിനോദത്തിന് പുറമെ, കൊറിയൻ ഭാഷ പഠിക്കാനുള്ള താല്പര്യവും ഇന്ത്യയിൽ ഇപ്പോൾ ഏറിവരികയാണ്. 13-നും 22-നും ഇടയിൽ പ്രായമുള്ളവർക്കിടയിൽ കൊറിയൻ ഭാഷാ പഠിതാക്കളുടെ എണ്ണത്തിൽ പ്രതിവർഷം 75 ശതമാനത്തോളം വർധനവുണ്ടാകുന്നുവെന്നാണ് കണക്കുകളും സൂചിപ്പിക്കുന്നത്.