വാഹനപ്രേമികൾ കാത്തിരുന്ന റോയൽ എൻഫീൽഡിന്റെ ബുള്ളറ്റ് 650 ഇന്ത്യൻ വിപണിയിൽ പുറത്തിറക്കി. 3.65 ലക്ഷം രൂപ മുതലാണ് ഇതിന്റെ എക്സ്-ഷോറൂം വില ആരംഭിക്കുന്നത്. കാനൻ ബ്ലാക്ക് , ബാറ്റിൽഷിപ്പ് ബ്ലൂ എന്നീ രണ്ട് നിറങ്ങളിൽ ഈ ബൈക്ക് ലഭ്യമാകും. ഇന്ത്യയിൽ ഇതുവരെ ഇറങ്ങിയിട്ടുള്ളതിൽ വച്ച് ഏറ്റവും കരുത്തുറ്റ ബുള്ളറ്റ് മോഡലാണിത്.
പഴയ ബുള്ളറ്റുകളുടെ ഭംഗി ചോർന്നുപോകാതെയാണ് പുതിയ മോഡലും നിർമിച്ചിരിക്കുന്നത്. കൈകൊണ്ട് വരച്ച സ്വർണ്ണ വരകളോട് കൂടിയ ടിയർഡ്രോപ്പ് ആകൃതിയിലുള്ള ഇന്ധന ടാങ്കും അതിലെ വിങ്ഡ് എംബ്ലവുമാണ് ഇതിന്റെ പ്രധാന ആകർഷണം. ഇതിനൊപ്പം ടൈഗർ-ഐ പൈലറ്റ് ലാമ്പുകളുള്ള വട്ടത്തിലുള്ള എൽഇഡി ഹെഡ്ലാമ്പ്, ക്രോം ഫിനിഷുള്ള പീ-ഷൂട്ടർ സൈലൻസറുകൾ, ക്രോം മിററുകൾ, ക്രോം ഹാൻഡിൽബാർ എന്നിവയും വാഹനത്തിന് ഒരു റെട്രോ ലുക്ക് നൽകുന്നു.
Also Read : പുതിയ കാർ വാങ്ങിയവരുടെ ശ്രദ്ധയ്ക്ക്; ഇതൊക്കെ വാങ്ങി വയ്ക്കാൻ മറക്കല്ലേ..
വേഗത അറിയാനുള്ള അനലോഗ് സ്പീഡോമീറ്ററും ഇന്ധനത്തിന്റെ അളവ്, ഗിയർ ഏതാണെന്ന് കാണിക്കുന്ന ഇൻഡിക്കേറ്റർ, സർവീസ് ഓർമ്മപ്പെടുത്തലുകൾ എന്നിവ നൽകുന്ന ഡിജിറ്റൽ ഡിസ്പ്ലേയും ചേർന്നതാണ് ഇതിന്റെ ഇൻസ്ട്രുമെന്റ് കൺസോൾ. അതോടൊപ്പം വഴി അറിയാൻ സഹായിക്കുന്ന ട്രിപ്പർ നാവിഗേഷൻ പോഡും ഈ വണ്ടിയിലുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
