മുംബൈയിലെ അപ്പാർട്ട്മെന്റ് 5.35 കോടി രൂപയ്ക്ക് വിറ്റ് സൽമാൻ ഖാൻ. ടിഞ്ഞാറന് ബാന്ദ്രയിലുള്ള തന്റെ അപ്പാര്ട്ട്മെന്റ് ആണ് താരം 5.53 കോടി രൂപയ്ക്ക് വിറ്റത്. റിയല് എസ്റ്റേസ്റ്റ് പ്ലാറ്റ്ഫോമായ സ്ക്വയര് യാഡ്സ് ആണ് ഈ വിവരം പുറത്തുവിട്ടത്. മുംബൈയിലെ ഏറ്റവും ആഡംബര പ്രദേശങ്ങളിലൊന്നായ ശിവ് ആസ്ഥാൻ ഹൈറ്റ്സിലാണ് അപ്പാർട്ട്മെന്റ് സ്ഥിതി ചെയ്യുന്നത്. ഗാലക്സി അപ്പാർട്ട്മെന്റ്സ് എന്നറിയപ്പെടുന്ന കെട്ടിടത്തിലെ അതേ പ്രദേശത്താണ് സൽമാനും താമസിക്കുന്നത്.
ജൂലൈ 15-നാണ് ഒദ്യോഗിക ഇടപാട് നടത്തിയതെന്നാണ് ഇന്സ്പെക്ടര് ജനറല് ഓഫ് രജിസ്ട്രേഷന്റെ (IGR) ഔദ്യോഗിക വെബ്സൈറ്റിലെ പ്രോപ്പര്ട്ടി രജിസ്ട്രേഷന് രേഖകളില് പറയുന്നത്. 22.45 ചതുരശ്ര മീറ്റര്(ഏകദേശം 1,318 ചതുരശ്ര അടി)സ്ഥലത്താണിത് വ്യപിച്ചുകിടക്കുന്നത്. മൂന്ന് കാര് പാര്ക്കിങ് സ്ഥലങ്ങളും ഉള്പ്പെടുന്നു.
രേഖകള് പ്രകാരം, ഈ ഇടപാടിനായി 32.01 ലക്ഷം രൂപ സ്റ്റാമ്പ് ഡ്യൂട്ടിയും 30,000 രൂപ രജിസ്ട്രേഷന് ചാര്ജും അടച്ചിട്ടുണ്ടെന്നാണ് രേഖകളില് പറയുന്നത്.
പ്രോപ്സ്റ്റാക്കിന്റെ റിപ്പോർട്ട് പ്രകാരം, 2024 ൽ സൽമാൻ സാന്താക്രൂസിലെ ഒരു വാണിജ്യ സ്ഥലം ലാൻഡ്ക്രാഫ്റ്റ് റീട്ടെയിൽ പ്രൈവറ്റ് ലിമിറ്റഡിന് പാട്ടത്തിന് നൽകി. 23,042 ചതുരശ്ര അടി വിസ്തീർണ്ണമുള്ള ഈ പ്രോപ്പർട്ടി പ്രതിമാസം 90 ലക്ഷം രൂപ വാടകയ്ക്ക് നേടി. റിപ്പോർട്ടുകൾ പ്രകാരം, മുംബൈയിലെ വാണിജ്യ സ്വത്ത് വിപണിയിലെ ഏറ്റവും വലിയ വാടക ഇടപാടുകളിൽ ഒന്നായിരുന്നു ഇത്. ഈ പ്രോപ്പർട്ടി വാടകയ്ക്ക് നൽകുന്നതിലൂടെ, സൽമാന് ഏകദേശം 12 കോടി രൂപയുടെ വാർഷിക വാടക ലഭിക്കുന്നു. ഇടപാടിൽ 5.4 കോടി രൂപയുടെ ഡെപ്പോസിറ്റും ഉൾപ്പെടുന്നു.
മുംബൈയിലെ ഉയര്ന്ന നിലവാരത്തിലുള്ള റിയല് എസ്റ്റേറ്റ് വിപണിയാണ് ബാന്ദ്ര വെസ്റ്റ്. ആഡംബര അപ്പാര്ട്ട്മെന്റുകളും ബംഗ്ലാവുകളും വാണജ്യ സ്ഥാപനങ്ങളും ഇവിടെയുണ്ട്. കഴിഞ്ഞ വർഷം, താരത്തിന്റെ വസതിക്ക് പുറത്ത് രണ്ട് പേർ വെടിയുതിർത്തു. വെടിവയ്പ്പിന് എട്ട് മാസത്തിന് ശേഷം, സുരക്ഷ വർദ്ധിപ്പിക്കുന്നതിനായി സൽമാൻ തന്റെ വീടിന്റെ ഭാഗങ്ങൾ പുതുക്കിപ്പണിതു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
