ബോളിവുഡ് സിനിമാ ലോകത്ത് നിന്നും കുടുംബ ജീവിതത്തിലേക്കും ആത്മീയതയിലേക്കും തിരിഞ്ഞ നടിയായിരുന്നു സന ഖാൻ. മൂന്ന് വർഷങ്ങൾക്ക് മുൻപ് ആയിരുന്നു സനയുടെ വിവാഹം. ഇവർക്ക് അടുത്തിടെയായിരുന്നു ആദ്യത്തെ ആൺകുഞ്ഞ് പിറന്നത്. തന്റെ വിശേഷങ്ങൾ സന സോഷ്യൽ മീഡിയയിൽ പങ്കുവെയ്ക്കാറുണ്ട്. ഇപ്പോഴിതാ കുട്ടിയോടൊപ്പം ഉംറ ചെയ്തതിന്‍റെ ഫോട്ടോയും വിഡിയോയും പങ്കുവച്ചിരിക്കുകയാണ് സന.
‘എനിക്ക് എല്ലാം നേടിത്തന്ന സ്ഥലം, എല്ലാ പ്രാർഥനകളും സഫലമാക്കിയ ഇടം. കണ്ണീർ പൊഴിക്കാതെ എനിക്ക് ഈ കുറിപ്പ് പൂർത്തിയാക്കാനാവില്ല’ എന്നാണ് മക്കയിൽ നിന്നുള്ള ഫോട്ടോ പങ്കുവച്ചു കൊണ്ട് സന സമൂഹമാധ്യമത്തിൽ കുറിച്ചത്. ഇവരുടെ കുഞ്ഞിന് താരിഖ് ജമീൽ എന്നാണ് പേര് നൽകിയിരിക്കുന്നത്.
ALSO READ:അഖില്‍ മാത്യുവിനെതിരായ വ്യാജ കൈക്കൂലി ആരോപണം; ഹരിദാസനെ ഇന്ന് വിശദമായി പൊലീസ് ചോദ്യം ചെയ്യും
ഉംറ യാത്രയിൽ മദീനയിലെത്തിയ ദമ്പതികൾ പ്രവാചകൻ മുഹമ്മദ് നബിയുടെ ഖബറിടവും സന്ദർശിച്ചിരുന്നു. ‘അൽഹംദുല്ലിലാഹ്, റോസ് മുബാറക്കിനുള്ളിൽ കയറാൻ ഞങ്ങൾക്ക് ഭാഗ്യമുണ്ടായി’ എന്നും മദീനയിലെ വിഡിയോ പങ്കുവച്ചുകൊണ്ട് സന ഇൻസ്റ്റഗ്രാമിൽ കുറിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
