സ്റ്റേറ്റ് ബാങ്ക് ഓഫ് ഇന്ത്യയില്‍ സര്‍ക്കിള്‍ ബേസ്ഡ് ഓഫീസർ ഒഴുവുകളിലേക്ക് അപേക്ഷകൾ ക്ഷണിച്ചു. ഔദ്യോഗിക വെബ്‌സൈറ്റ് വഴി ജൂൺ 21 മുതൽ ജൂൺ 30 വരെ അപേക്ഷിക്കാം. 2,600 റെഗുലർതസ്തികകളും 364 ബാക്ക്‌ലോഗ് തസ്തികകളും ഉൾപ്പെടെ ആകെ 2,964 ഒഴിവുകളാണ് ഉള്ളത്. ഷെഡ്യൂൾഡ് കൊമേഴ്‌സ്യൽ ബാങ്കുകളിലോ റീജിയണൽ റൂറൽ ബാങ്കുകളിലോ ഓഫീസർ തലത്തിൽ മുൻ പരിചയമുള്ള ഉദ്യോഗാർത്ഥികൾക്ക് ആയിരിക്കും മുൻഗണന.
അപേക്ഷകർ ബിരുദധാരികളായിരിക്കണം, കൂടാതെ ഏതെങ്കിലും ഷെഡ്യൂൾഡ് കൊമേഴ്‌സ്യൽബാങ്കിലോ റീജിയണൽ റൂറൽ ബാങ്കിലോ ഓഫീസർമാരായി കുറഞ്ഞത് രണ്ട് വർഷത്തെ പ്രവൃത്തിപരിചയം ഉണ്ടായിരിക്കണം. ഉദ്യോഗാർത്ഥികൾ 2025 ഏപ്രിൽ 30-ന് 21 നും 30 നും ഇടയിൽപ്രായമുള്ളവരായിരിക്കണം. ഉയർന്ന പ്രായപരിധിയിൽ ഇളവ് ബാധകമാണ്. എസ്‌സി/എസ്ടിക്ക് 5 വർഷം, ഒബിസി(എൻ‌സി‌എൽ)ക്ക് 3 വർഷം, പിഡബ്ല്യുബിഡി ഉദ്യോഗാർത്ഥികൾക്ക് 10 മുതൽ 15 വർഷം വരെ ഇളവ്ലഭിക്കും.
ALSO READ: ഹയര്‍ ദി ബെസ്റ്റ് പദ്ധതിയിലേക്കുള്ള റജിസ്ട്രേഷന്‍ മൂവായിരം കടന്നു
ഒരു ഓണ്‍ലൈന്‍ പരീക്ഷ, തുടര്‍ന്ന് സ്‌ക്രീനിംഗ്, അഭിമുഖം, പ്രാദേശികഭാഷാ പ്രാവീണ്യ പരീക്ഷ എന്നിവ വഴി ആയിരിക്കും ആളുകളെ തിരഞ്ഞെടുക്കുക. ഓൺലൈൻ പരീക്ഷയ്ക്കും അഭിമുഖത്തിനും ഇടയിലുള്ള 75:25 എന്ന അനുപാതത്തിന്റെ അടിസ്ഥാനത്തിലാണ് അന്തിമ തിരഞ്ഞെടുപ്പ്. ഇംഗ്ലീഷ് ഭാഷ (30 മാർക്ക്), ബാങ്കിംഗ് നോളജ് (40 മാർക്ക്), ജനറൽ അവയർനെസ്/ഇക്കണോമി (30 മാർക്ക്), കമ്പ്യൂട്ടർ ആപ്റ്റിറ്റ്യൂഡ് (20 മാർക്ക്) എന്നിങ്ങനെ 120 ഒബ്ജക്റ്റീവ് ടൈപ്പ് ചോദ്യങ്ങൾഉൾപ്പെടുന്നതാണ് ഓൺലൈൻ പരീക്ഷ.
തിരഞ്ഞെടുക്കപ്പെട്ട ഉദ്യോഗാർത്ഥികൾക്ക് പ്രാരംഭ അടിസ്ഥാന ശമ്പളം 48,480 രൂപയാണ്. കൂടാതെ രണ്ട് അഡ്വാൻസ് ഇൻക്രിമെന്റുകളും ഉൾപ്പെടുന്നു. ജനറൽ, ഒബിസി, ഇഡബ്ല്യുഎസ് അപേക്ഷകർക്ക്അപേക്ഷാ ഫീസ് 750 രൂപയാണ്. എസ്‌സി, എസ്ടി, പിഡബ്ല്യുബിഡി അപേക്ഷകർക്ക് അപേക്ഷഫീസ് ഇല്ല.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
