നെപ്റ്റ്യൂണിനൊപ്പം നൃത്തം ചെയ്യുന്ന നിഗൂഢമായ വസ്തുവിനെ കണ്ടെത്തി ജ്യോതിശാസ്ത്രജ്ഞർ. സങ്കീർണമായ രീതിയിലാണ് ഇതിന്റെ പരിക്രമണം. സൗരയൂഥത്തിന്റെ ബാഹ്യഭാഗത്ത് അത്തരമൊരു അപൂർവ ഗുരുത്വാകർഷണ ബന്ധം ഇതാദ്യമായാണ് സ്ഥിരീകരിച്ചത്. 2020 VN40 എന്നാണ് ഇതിന് ശാസ്ത്രജ്ഞർ നൽകിയ പേര്.
സൂര്യനുചുറ്റും നെപ്റ്റ്യൂൺ ഓരോ പത്ത് ഭ്രമണപഥം പൂർത്തിയാക്കുമ്പോഴും ഈ വസ്തു കൃത്യമായി ഒരു ഭ്രമണപഥം പൂർത്തിയാക്കുന്നുണ്ട്. ഇത് പൂർത്തിയാക്കാൻ ഏകദേശം 1,655 ഭൗമവർഷങ്ങൾ എടുക്കും. ഈ മാസം പുറത്തിറങ്ങിയ ദി പ്ലാനറ്ററി സയൻസ് ജേണലിൽ ഈ ഗവേഷണം പ്രസിദ്ധീകരിച്ചിട്ടുണ്ട്. നെപ്റ്റ്യൂണിന്റെ ഗുരുത്വാകർഷണ സ്വാധീനം നമ്മുടെ സൗരയൂഥത്തിന്റെ വിദൂര പ്രദേശങ്ങളെ എങ്ങനെ രൂപപ്പെടുത്തുന്നു എന്നതിനെക്കുറിച്ചുള്ള പുതിയ ഉൾക്കാഴ്ചകൾ ഈ കണ്ടെത്തൽ നൽകുന്നു.
Read Also: നിങ്ങളുടെ പ്രദേശത്ത് ഭൂകമ്പമോ? അറിയിപ്പ് ഇനി ഫോൺ നൽകും
ട്രാൻസ്- നെപ്റ്റ്യൂണിയൻ വസ്തുക്കൾ എന്നറിയപ്പെടുന്ന വിദൂര വസ്തുക്കളുടെ കുടുംബത്തിലാണ് 2020 VN40 പെടുന്നത്. പക്ഷേ, വിദൂര വസ്തുക്കളിൽ കാണപ്പെടുന്ന സാധാരണ പാറ്റേണല്ല ഇതിന്. വസ്തുവിന്റെ ഭ്രമണപഥം 33.4 ഡിഗ്രിയില് കുത്തനെ ചരിഞ്ഞാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
