‘കൊറോണ പേപ്പേഴ്സി’നും ‘വേല’യ്ക്കും ശേഷം വേറിട്ട ഒരു പൊലീസ് കഥാപാത്രമായി മലയാളത്തിലെ യുവതാരങ്ങളിൽ ശ്രദ്ധേയനായ ഷെയ്ൻ നിഗം എത്തിയ ചിത്രമാണ് ദൃഢം. തിയേറ്ററുകളിൽ മികച്ച പ്രതികരണം നേടിയ ചിത്രം ഇപ്പോഴിതാ ഒടിടിയിലേക്കും എത്തുകയായി. ജിയോ ഹോട്സ്റ്റാറിലൂടെയാണ് ഈ സിനിമ പ്രേക്ഷകരിലേക്കെത്തുക.
സംവിധായകൻ ജീത്തു ജോസഫിനൊപ്പം ഏറെക്കാലം പ്രവർത്തിച്ച മാർട്ടിൻ ജോസഫ് ആണ് ദൃഢം സംവിധാനം ചെയ്തത്. പ്രേക്ഷകര-നിരൂപക പ്രശംസയേറ്റുവാങ്ങാൻ ഈ സിനിമയ്ക്കായി. ജൂണ് 12നാണ് ദൃഢം സ്ട്രീമിങ് ആരംഭിക്കുകയെന്നാണ് പുറത്ത് വരുന്ന റിപ്പോർട്ടുകൾ.
ALSO READ: ‘കാൻസർ കാരണം സംസാരിക്കാനാവാതെ, അവൻ എനിയ്ക്ക് കടലാസിൽ എഴുതി തന്നിട്ടുണ്ട്’; സംവിധായകൻ കമൽ
പൊലീസുകാരുടെ ജീവിതം മുൻനിർത്തിയാണ് ഈ സിനിമയുടെ കഥ വികസിക്കുന്നത്. ജോമോൻ ജോൺ, ലിന്റോ ദേവസ്യ എന്നിവർ ചേർന്നാണ് ചിത്രത്തിന്റെ കഥ, തിരക്കഥ, സംഭാഷണം ഒരുക്കിയത്. എസ് ഐ വിജയ് രാധാകൃഷ്ണൻ എന്ന കഥാപാത്രമായാണ് ഷെയ്ൻ ചിത്രത്തിൽ എത്തിയത്. കുഴിനിലം എന്നൊരു നാട്ടിൻപുറത്തെ പൊലീസ് സ്റ്റേഷനിൽ എസ് ഐ വിജയ് രാധാകൃഷ്ണൻ എത്തുന്നതും പിന്നീട് നടക്കുന്ന അപ്രതീക്ഷിത സംഭവവികാസങ്ങളുമാണ് ഈ സിനിമ പറയുന്നത്.
ഷോബി തിലകൻ, കോട്ടയം രമേഷ്, ദിനേശ് പ്രഭാകർ, നന്ദൻ ഉണ്ണി, വിനോദ് ബോസ്, കൃഷ്ണപ്രഭ, സാനിയ ഫാത്തിമ, അഭിറാം രാധാകൃഷ്ണൻ, പ്രശാന്ത് മുരളി, മാത്യു വർഗ്ഗീസ്, ജോജി കെ ജോൺ, ബിട്ടോ ഡേവിസ്, അഭിഷേക് രവീന്ദ്രൻ എന്നിവരും ഈ സിനിമയിൽ മറ്റ് പ്രധാന വേഷങ്ങളിലെത്തുന്നു. മുകേഷ് ആർ മെഹ്ത, സി വി സാരഥി എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം ഇ ഫോർ എക്സ്പെരിമെന്റ്സ്, ജീത്തു ജോസഫ് (ബെഡ് ടൈം സ്റ്റോറീസ്) എന്നിവർ ചേർന്നാണ് പ്രേക്ഷകരുടെ മുന്നിൽ അവതരിപ്പിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
