ഒരു ജീവിതകാലം മുഴുവൻ സമ്പാദിച്ച പണം നഷ്ടമായി എന്നറിഞ്ഞാൽ ഉണ്ടാകുന്ന വേദന ഭീകരമായിരിക്കും. അത്തരത്തിൽ ഒരു വാർത്തയാണ് ഇപ്പോൾ പുറത്തുവരുന്നത്. ചോർച്ചയില്ലാത്ത വീടൊരുക്കാൻ സ്വരുക്കൂട്ടിവച്ചിരുന്ന പണം ആണ് ചിതലരിച്ചു പോയത്. തിരുപ്പുവനത്തിനടുത്ത് കിളത്താരി പഞ്ചായത്തിലെ കാക്കണിയാർപട്ടി ഗ്രാമത്തിൽ ഓല മേഞ്ഞ വീട്ടിൽ രണ്ട് പെൺമക്കൾക്കും ഒരു മകനുമൊപ്പം താമസിക്കുന്ന മുത്തുക്കറുപ്പി (30) തൻ്റെ സമ്പാദ്യം മണ്ണിൽ കുഴിച്ചിട്ട ഹുണ്ടിയിൽ സൂക്ഷിച്ചിരുന്നു.
ബാങ്ക് അക്കൗണ്ട് ഇല്ലാത്തതിനാൽ മിച്ചം പിടിക്കുന്ന തുക തകരപ്പാട്ടയിലാക്കി മണ്ണിൽ കുഴിച്ചിടുകയായിരുന്നു പതിവ്. ഒരു വർഷം കൊണ്ട് ശേഖരിച്ച ഒരു ലക്ഷത്തോളം രൂപയാണു നഷ്ടമായത്. സമ്പാദ്യത്തിൽ ഭൂരിഭാഗവും ₹500 നോട്ടുകളായിരുന്നതിനാൽ, ചൊവ്വാഴ്ച അവൾ അത് എടുത്തപ്പോഴാണ് കേടായ രൂപാ നോട്ടുകൾ കണ്ടത്.
തുടർന്ന് കളക്ടർ റവന്യൂ ഉദ്യോഗസ്ഥരോടും ആർ‌ബി‌ഐ ഉദ്യോഗസ്ഥരോടും അവരുടെ അവകാശവാദങ്ങൾ പരിശോധിക്കാൻ ഉത്തരവിട്ടു. സ്ത്രീയെ സഹായിക്കാൻ ചെന്നൈയിലെ അവരുടെ ഓഫീസുമായി ബന്ധപ്പെടുമെന്നും ആർ‌ബി‌ഐ ഉദ്യോഗസ്ഥർ അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
