നടൻ ഫഹദ് ഫാസിലിന്റെ വിദേശ പഠനത്തെ ചൊല്ലി വളരെ രസകരമായ ചർച്ചകളാണ് ഇപ്പോൾ സമൂഹ മാധ്യമങ്ങളിൽ അരങ്ങേറിക്കൊണ്ടിരിക്കുന്നത്. നടിയും ഫഹദിന്റെ ജീവിത പങ്കാളിയുമായി നസ്രിയ പങ്കുവെച്ച ഒരു ഇൻസ്റ്റഗ്രാം പോസ്റ്റാണ് ഈ ചർച്ചകൾക്ക് വഴിവെച്ചത്. ഒരു ഡിഗ്രി നേടാനുള്ള അവസാന ശ്രമമെന്ന ടാഗ് ലൈനിൽ, ബാഴ്സിലോണ സിനിമാ സ്കൂള് ആന്റ് ആക്ടേഴ്സ് സ്റ്റുഡിയോയുടെ മുന്നിൽ നിൽക്കുന്ന ഫഹദിന്റെ ചിത്രമാണ് നസ്രിയ പങ്കുവെച്ചത്.
ALSO READ: കാത്തിരുന്നോ, നാളെ അഞ്ച് മണിക്ക് മമ്മൂക്ക ആ സർപ്രൈസ് പൊട്ടിക്കും; സൂചന നൽകി ഫേസ്ബുക് പോസ്റ്റ്
ഇതോടെ ഫഹദ് വിദേശപഠനം പൂർത്തിയാക്കിയില്ലേ എന്ന ചോദ്യങ്ങളും അതിനെ ചൊല്ലിയുള്ള ചർച്ചകളുമാണ് സമൂഹ മാധ്യമങ്ങളിൽ ഇപ്പോൾ ശ്രദ്ധേയമാകുന്നത്. ഫഹദ് വിദേശ പഠനം പൂർത്തിയാക്കിയില്ലെന്ന് വാദിക്കുന്ന ധാരാളം പേരുണ്ട്. എന്നാൽ നസ്രിയയുടെ ചിത്രത്തിൽ ചിരിച്ചുകൊണ്ടുള്ള ഒരു സ്മൈലി പങ്കുവെച്ചത് കൊണ്ട് തന്നെ ഇത് ഒരു തമാശ രൂപേണ പങ്കുവെച്ചതാണെന്ന് വേണം വിലയിരുത്താൻ.
ALSO READ: വർഷങ്ങൾക്ക് ശേഷം പാർവതി മലയാള സിനിമയിലേക്ക് തിരിച്ചു വരുന്നു? മറുപടി നൽകി കാളിദാസ് ജയറാം
അതേസമയം, കൈ എത്തും ദൂരത്ത് എന്ന ചിത്രത്തിലേറ്റ പരാജയത്തിന് ശേഷം ഫഹദ് വിദേശത്തേക്ക് പോവുകയും, തുടർന്ന് അഭിനയം പഠിച്ച ശേഷം തിരികെ വരികയുമായിരുന്നു. നിലവിൽ മലയാള സിനിമയിൽ ഫഹദിന് വലിയ ആരാധകരാണ് ഉള്ളത്. തമിഴിലെ മാമന്നൻ എന്ന സിനിമയ്ക്ക് ശേഷം ഫഹദ് ഒരു പാൻ ഇന്ത്യൻ സ്റ്റാർ ആയി മാറിയിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
