രവിതേജയുടെ പുതിയ തെലുങ്ക് ചിത്രം മാസ് ജാത്തറയിലെ ഗാനം പാടിയിരിക്കുന്ന ആൾ മരിച്ചിട്ട് പതിനൊന്നു വർഷമായി. എന്നാൽ അദ്ദേഹം എങ്ങനെയാണ് ഇപ്പോൾ തരംഗമായിക്കൊണ്ടിരിക്കുന്നഈ ഗാനം പാടിയത് എന്ന് ആശ്ചര്യപ്പെടുകയാണ് ആരാധകർ. സിനിമയുടെ പല മേഖലകളിലും നിർമിതബുദ്ധി സ്ഥാനം ഉറപ്പിച്ചിട്ടുണ്ട്. പ്രത്യേകിച്ച് സംഗീതത്തിൽ. ഇങ്ങനെ എ ഐ ഉപയോഗിച്ചാണ് അന്തരിച്ച സംഗീത സംവിധായകൻ ചക്രിയുടെ ശബ്ദത്തിൽ ഗാനം ചിട്ടപ്പെടുത്തിയിരിക്കുന്നത്.
വിഷുദിനത്തിലാണ് മാസ് ജാത്തറയിലെ തൂ മേരാ ലവർ എന്ന ഗാനം ലിറിക്കൽ വീഡിയോ ആയി പുറത്തിറങ്ങിയത്. ഭീംസ് സെസിറോലിയോ ആണ് മാസ് ജാത്തറയുടെ സംഗീതസംവിധായകൻ. ഭീംസ് തന്നെ ഗാനം ആലപിച്ച് ഇത് ചക്രിയുടെ ശബ്ദത്തിലേക്ക് മാറ്റുകയായിരുന്നു എന്നാണ് റിപ്പോർട്ട്. ഭാസ്കര ഭട്ട്ല രവി കുമാറാണ് ഗാനരചന.
ALSO READ; ‘പ്രധാന നടൻ ലഹരി ഉപയോഗിച്ച് സെറ്റിൽ വച്ച് മോശമായി പെരുമാറി’; വെളിപ്പെടുത്തലുമായി വിൻസി അലോഷ്യസ്
രവി തേജയുടെ മറ്റൊരു ഹിറ്റ് ചിത്രമായ ഇഡിയറ്റിലെ ചൂപ്പുൽതോ ഗുച്ചി ഗുച്ചി എന്ന ഗാനത്തിനെ അനുസ്മരിപ്പിക്കുന്ന ഗാനമാണ് തൂ മേരാ ലവർ എന്ന ഈ ഗാനം. അന്തരിച്ച ചക്രിയാണ് ഈ ഗാനത്തിന് ഈണമിട്ടത്. ഈ ഗാനത്തിന്റെ പശ്ചാത്തലസംഗീതവും നൃത്തച്ചുവടുകളുമാണ് പുതിയ ഗാനത്തിലും ഉൾപ്പെടുത്തിയിരിക്കുന്നത്. ചക്രിക്ക് നൽകുന്ന ആദരം എന്ന നിലയ്ക്കാണ് ഗാനം പുറത്തിറക്കിയിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
