1989ൽ സൂരജ് ബർജാത്യ സംവിധാനം ചെയ്ത ‘മേനെ പ്യാർ കിയ’ എന്ന ചിത്രത്തിലൂടെയാണ് സൽമാൻ ഖാൻ ബിഗ് സ്ക്രീനിലേക്കെത്തുന്നത്. സൽമാൻ ഖാന്റെ ആദ്യ ചിത്രം മാത്രമായിരുന്നില്ല, സൂരജിന്റെ സംവിധായകനെന്ന നിലയിലുള്ള അരങ്ങേറ്റം കൂടിയായിരുന്നു അത്. ഇപ്പോഴിതാ താൻ സൽമാനെ നായകനാക്കി ആദ്യമായി സംവിധാനക്കുപ്പായമണിഞ്ഞതിനെ പറ്റി മനസ്സ് തുറന്നിരിക്കുകയാണ് സൂരജ്സൽമാനെ ആദ്യമായി കണ്ടപ്പോൾ, അദ്ദേഹത്തെ നായകനാക്കണോ വേണ്ടയോ എന്ന് പല തവണ ചിന്തിച്ചുവെന്നും എന്നാൽ അദ്ദേഹത്തെ ക്യാമറയിലൂടെ കണ്ടപ്പോൾ തനിക്ക് വലിയ പ്രതീക്ഷ കിട്ടിയെന്നുമാണ് അദ്ദേഹം പറഞ്ഞത്.
“അദ്ദേഹം വളരെ ഉയരം കുറഞ്ഞ ആളായിരുന്നു, ഒരു നായകനെപ്പോലെ തോന്നിച്ചില്ല. പക്ഷേ ഞാൻ അദ്ദേഹത്തിന്റെ ഫോട്ടോകൾ കണ്ടപ്പോൾ അദ്ദേഹം മികച്ചവനായിരുന്നു. അതാണ് ക്യാമറയുടെ പവർ. സിനിമ നിരസിക്കുക എന്ന ഉദ്ദേശ്യത്തോടെയാണ് സൽമാൻ തന്നെ കണ്ടതെന്നും ഇന്റർവെൽ പോയിന്റിൽ എത്തുമ്പോഴേക്കും ഞങ്ങൾ കൈകൊടുത്തു,പിന്നീടാണ് സിനിമ ചെയ്യാൻ തീരുമാനിച്ചത്.” സൂരജ് വെളിപ്പെടുത്തി.
“എന്നിരുന്നാലും, ഇനിയും മറികടക്കേണ്ട തടസ്സങ്ങളുണ്ടായിരുന്നു. ആദ്യത്തേത് സൽമാന്റെ ലുക്ക് ടെസ്റ്റായിരുന്നു. “എന്റെ തെറ്റാണോ അതോ സൽമാൻ്റെ തെറ്റാണോ എന്ന് ഉറപ്പില്ല, സൽമാൻ്റെ ശബ്ദത്തിൽ ഒരു മാറ്റവും ഉണ്ടായിരുന്നില്ല. പിന്നീട് ഞങ്ങൾ നൃത്ത രംഗങ്ങളിലേക്ക് നീങ്ങി, റിഹേഴ്സലുകൾക്കായി ഫറാ ഖാനെ കൊണ്ടുവന്നു. പക്ഷേ സൽമാന് നൃത്തം ചെയ്യാൻ അറിയില്ലായിരുന്നു. പിന്നീട് എങ്ങനെയോ എല്ലാം തെറ്റായി പോയി, അവനും നന്നായി നൃത്തം ചെയ്യുന്നില്ല. പിന്നീട് ഞാൻ അദ്ദേഹത്തെ ഒരു കസേരയിൽ ഇരുത്തി ഒരു ഗിറ്റാർ കൊടുത്തു. അപ്പോൾ സൽമാൻ്റെ മുഖം, ശൈലി, പ്രണയം… എല്ലാം കൃത്യമായി… പക്ഷേ സംസാരിക്കാൻ കഴിഞ്ഞില്ല,” സൂരജ് പറഞ്ഞു.
സിനിമയാണ് കൂടുതൽ പ്രധാനമെന്ന് അദ്ദേഹം എപ്പോഴും വിശ്വസിച്ചിരുന്നുവെന്ന് സൂരജ് പറഞ്ഞു. ഇപ്പോഴും, മറ്റൊരാളെ വെച്ച് ഒരു സിനിമ ചെയ്യാൻ ഞാൻ ആഗ്രഹിക്കുന്നുവെങ്കിൽ, അദ്ദേഹം പിന്തുണയ്ക്കുമെന്നും അതിഥി വേഷത്തിൽ താൻ എത്തണോ എന്ന് ചോദിക്കുമെന്നും സൂരജ് പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
