സൂര്യഗായത്രി കൊലക്കേസ്, പ്രതിക്ക് ജീവപര്യന്തം

തിരുവനന്തപുരം നെടുമങ്ങാട് സൂര്യഗായത്രി കൊലക്കേസിൽ പ്രതിക്ക് ജീവപര്യന്തം തടവും അഞ്ചുലക്ഷം രൂപ പിഴയും. പേയാ​ട് ചി​റ​ക്കോ​ണം വാ​റു​വി​ളാ​ക​ത്ത് വീ​ട്ടി​ൽ അ​രു​ണി​നാണ് (29)​ തി​രു​വ​ന​ന്ത​പു​രം ആ​റാം അ​ഡീ​ഷണ​ൽ സെ​ഷ​ൻ​സ് കോ​ട​തി ജ​ഡ്ജി കെ. ​വി​ഷ്ണു ജീവപര്യന്തം തടവിന് ശിക്ഷിച്ചത്. നെ​ടു​മ​ങ്ങാ​ട് ക​രു​പ്പൂ​ര്​ ഉ​ഴ​പ്പാ​ക്കോ​ണം പു​ത്ത​ൻ ബം​ഗ്ലാ​വി​ൽ വാ​ട​ക​ക്ക്​ താ​മ​സി​ച്ചി​രു​ന്ന സൂ​ര്യ​ഗാ​യ​ത്രി(20)​യെ കു​ത്തി​ക്കൊ​ല​പ്പെ​ടു​ത്തു​ക​യും ത​ട​യാ​ൻ ശ്ര​മി​ച്ച മാ​താ​വ്​ വ​ത്സ​ല​യെ പ​രുക്കേ​ൽ​പ്പി​ക്കു​ക​യും ചെ​യ്ത കേ​സി​ലെ പ്ര​തി കു​റ്റ​ക്കാ​ര​ണെന്ന് കണ്ടെത്തിയതിനെ തുടർന്നാണ് വിധി.

കൊ​ല​പാ​ത​കം, കൊ​ല​പാ​ത​ക​ശ്ര​മം, ഭ​വ​ന കൈ​യേ​റ്റം, കു​റ്റ​ക​ര​മാ​യ ഭ​യ​പ്പെ​ടു​ത്ത​ൽ എ​ന്നീ കു​റ്റ​ങ്ങ​ളാ​ണ്​ തെ​ളി​ഞ്ഞ​ത്. പ്രേ​മ​നൈ​രാ​ശ്യ​വും വി​വാ​ഹാ​ലോ​ച​ന നി​ര​സി​ച്ച​തി​ലു​ള്ള വി​രോ​ധ​വു​മാ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്ന പ്രോ​സി​ക്യൂ​ഷ​ൻ വാ​ദം കോ​ട​തി അം​ഗീ​ക​രി​ച്ചു.

2021 ആ​ഗ​സ്റ്റ്​ 30-ന്​ ​ഉ​ച്ച​ക്ക്​ ര​ണ്ടോ​ടെ​യാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. സൂ​ര്യ​ഗാ​യ​ത്രി​യു​ടെ മാ​താ​വ്​ വ​ത്സ​ല, പി​താ​വ്​ ശി​വ​ദാ​സ​ൻ എ​ന്നി​വ​രാ​യി​രു​ന്നു കേ​സി​ലെ ദൃ​ക്സാ​ക്ഷി​ക​ൾ. കേസുമായി ബന്ധപ്പെട്ട് 39 സാ​ക്ഷി​ക​ളെ പ്രോ​സി​ക്യൂ​ഷ​ൻ വി​സ്ത​രി​ച്ചു. 64 രേ​ഖ​ക​ളും 49 തൊ​ണ്ടി മു​ത​ലു​ക​ളും ഹാ​ജ​രാ​ക്കി. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ എം. ​സ​ലാ​ഹു​ദ്ദീ​ൻ, അ​ഡ്വ. വി​നു മു​ര​ളി, അ​ഡ്വ. അ​ഖി​ല ലാ​ൽ, അ​ഡ്വ. ദേ​വി​ക മ​ധു എ​ന്നി​വ​ർ ഹാ​ജ​രാ​യി. വ​ലി​യ​മ​ല സ​ർ​ക്കി​ൾ ഇ​ൻ​സ്‌​പെ​ക്ട​റും ഇ​പ്പോ​ൾ ക്രൈം​ബ്രാ​ഞ്ച് അ​ഡ്മി​നി​സ്ട്രേ​ഷ​ൻ ഡി​വൈ.​എ​സ്.​പി​യു​മാ​യ ബി.​എ​സ് സ​ജി​മോ​ൻ, സി​വി​ൽ പൊ​ലീ​സ്‌ ഓ​ഫീ​സ​ർ​മാ​രാ​യ സ​ന​ൽ​രാ​ജ് ആ​ർ.​വി, ദീ​പ എ​സ് എ​ന്നി​വ​രാ​ണ് അന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്.

സൂ​ര്യ​ഗാ​യ​ത്രി​യും മാ​താ​പി​താ​ക്ക​ളും വാ​ട​ക​ക്ക്​ താ​മ​സി​ച്ചി​രു​ന്ന വീ​ട്ടി​ലെ​ത്തി​യാ​യി​രു​ന്നു പ്ര​തി​യു​ടെ ആ​ക്ര​മ​ണം. ശാ​രീ​രി​ക വൈ​ക​ല്യ​മു​ള്ള​വ​രാ​ണ് സൂ​ര്യ​യു​ടെ മാ​താ​പി​താ​ക്ക​ൾ. വീ​ടി​ന്‍റെ അ​ടു​ക്ക​ള വാ​തി​ലി​ലൂ​ടെ അ​ക​ത്തു​ക​ട​ന്ന അ​രു​ണ്‍ സൂ​ര്യ​യെ നിരവധി തവണ കുത്തി പരുക്കേൽപ്പിക്കുകയായിരുന്നു. മ​ക​ളെ ആ​ക്ര​മി​ക്കു​ന്ന​തു​ക​ണ്ട് ത​ട​യാ​ൻ ശ്ര​മി​ച്ച മാ​താ​വ്​ വ​ത്സ​ല​യെ​യും പ്രതി കു​ത്തി. സൂ​ര്യ​യു​ടെ പി​താ​വ് നി​ല​വി​ളിച്ച​തോ​ടെ അ​രു​ണ്‍ ഓ​ടി. അ​യ​ൽ​ക്കാ​ർ ഓ​ടി​യെ​ത്തി​യ​പ്പോ​ഴേ​ക്കും അ​രു​ൺ സ​മീ​പ​ത്തെ മ​റ്റൊ​രു വീ​ടി​ന്റെ ടെ​റ​സി​ൽ ഒ​ളി​ക്കാ​ൻ ശ്ര​മി​ച്ചു. അവി​ടെ​ നി​ന്നാ​ണ്​ നാ​ട്ടു​കാ​രും പൊ​ലീ​സും ചേ​ർ​ന്ന് പ്രതിയെ പി​ടി​കൂ​ടി​യ​ത്.