സമകാലീന ഫുട്ബോളിലെ പ്രതിഭാസമാണ് ക്രിസ്റ്റ്യാനോ റൊണാൾഡോ. വേഗതകൊണ്ടും, ഷൂട്ടിങ് മികവുകൊണ്ടും എതിരാളികളെ വിസ്മയിപ്പിച്ചവൻ. രണ്ട് പതിറ്റാണ്ടിലേറെ നീണ്ട കരിയറിൽ, എക്കാലത്തെയും മികച്ച ഫുട്ബോൾ കളിക്കാരിൽ ഒരാളായി CR7 മാറിക്കഴിഞ്ഞു. പോർച്ചുഗലിലെ മഡെയ്‌റയിലെ ഫഞ്ചാലിലെ നിന്ന് പന്തുതട്ടി തുടങ്ങിയ ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡ്, റയൽ മാഡ്രിഡ്, യുവൻ്റസ് തുടങ്ങിയ ലോകോത്തര ക്ലബുകൾക്കുവേണ്ടി ഗോളുകളടിച്ചുകൂട്ടി, ഒട്ടനവധി കിരീടങ്ങൾ നേടിക്കൊടുത്തു.

അഞ്ച് ബാലൺ ഡി ഓർ പുരസ്ക്കാരങ്ങൾ, നാല് യുവേഫ ചാമ്പ്യൻസ് ലീഗ് കിരീടങ്ങൾ, നിരവധി ലീഗ് കിരീടങ്ങൾ, ഒട്ടനവധി ഗോൾ റെക്കോർഡുകൾ- അർപ്പണബോധവും കളിമികവുംകൊണ്ട് ക്രിസ്റ്റ്യാനോ റൊണാൾഡോ കൈവരിച്ച നേട്ടങ്ങൾ അതുല്യമാണ്. ഇപ്പോൾ സൌദി അറേബ്യൻ ക്ലബ് അൽ നാസറിന് വേണ്ടി പന്തുതട്ടിക്കൊണ്ട്, കാൽപ്പന്തുകളിയിലെ ആ ഇതിഹാസയാത്ര ഇപ്പോഴും തുടരുന്നു..