ഇന്ത്യൻ ബാങ്കിൽ സ്പെഷലിസ്റ്റ് ഓഫീസറാകാൻ ഉദ്യോഗാർത്ഥികൾക്ക് സുവർണാവസരം. സീനിയർ മാനേജർ, മാനേജർ എന്നീ തസ്തികകളിൽ 350 ഒഴിവുകളാണുള്ളത്. ഇന്ത്യൻ ബാങ്കിന്റെ ഔദ്യോഗിക വെബ്സൈറ്റിൽ (www.indianbank.bank.in) പ്രവേശിച്ച് പ്രവൃത്തിപരിചയമുള്ള ഉദ്യോഗാർത്ഥികൾക്ക് ഏപ്രിൽ 28വരെ അപേക്ഷിക്കാൻ അവസരമുണ്ട്.
സീനിയർ മാനേജർ (സ്കെയിൽ 3) വിഭാഗത്തിൽ 75 ഒഴിവുകളും മാനേജർ (സ്കെയിൽ 2) വിഭാഗത്തിൽ 260 ഒഴിവുകളുമുണ്ട്. അസിസ്റ്റന്റ് മാനേജർ (സ്കെയിൽ 1) വിഭാഗത്തിൽ 15 ഒഴിവാണുള്ളത്. ക്രെഡിറ്റ് ഓഫിസർ/ഫിനാൻസ് ഓഫിസർ/എഫ്എ (250 ഒഴിവ്), കംപ്യൂട്ടർ/ഐടി എൻജിനീയർ (25), റിസ്ക് ഓഫിസർ (15), സിസിഡി /മാർക്കറ്റിങ് (10), ചാർട്ടേഡ് അക്കൗണ്ടന്റ് (10), സെക്യൂരിറ്റി (10), എച്ച്ആർ/പഴ്സനേൽ (10), ഡീലർ/ ഫോറെക്സ് ഓഫിസർ (5), ട്രഷറി (5), ആർക്കിടെക്ട്/എൻജിനീയർ (5), വെൽത്ത് മാനേജർ (5) എന്നീ സ്പെഷലൈസേഷൻ/കേഡറുകളിലാണ് അവസരം.
also read: ഫെഡറൽ ബാങ്കിൽ ജോലിക്കാരാവണോ ? അറിയാം ഞെട്ടിക്കുന്ന ശമ്പളവും അപേക്ഷിക്കേണ്ട വിധവും
തിരഞ്ഞെടുക്കുന്നത് എങ്ങനെ?
യോഗ്യരായ ഉദ്യോഗാർത്ഥികളെ ഓൺലൈൻ പരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും തിരഞ്ഞെടുക്കുക. ജനറൽ വിഭാഗത്തിൽപ്പെട്ട ഉദ്യോഗാർത്ഥികൾ അപേക്ഷയോടൊപ്പം 1000 രൂപയും പട്ടികവിഭാഗത്തിൽപ്പെട്ട ഉദ്യോഗാർത്ഥികൾ 175 രൂപയും അപേക്ഷാ ഫീസായി ഓൺലൈനായി അടയ്ക്കേണ്ടതാണ്.
ശമ്പളം
അസിസ്റ്റന്റ് മാനേജർ (സ്കെയിൽ ഒന്ന്) 48,400-85,920 രൂപ, മാനേജർ (സ്കെയിൽ രണ്ട്) 64,820-93,960 രൂപ, സീനിയർ മാനേജർ (സ്കെയിൽ മൂന്ന്) 85,920-1,05,280 രൂപ. കൂടുതൽ വിവരങ്ങൾക്ക് ഇന്ത്യൻ ബാങ്കിന്റെ ഔദ്യോഗിക സൈറ്റിൽ പ്രവേശിക്കാവുന്നതാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
