മുംബൈ: ഇന്ത്യൻ ക്രിക്കറ്റിലെ പ്രതിഭാധനനായ ഓപ്പണറാണ് ഇഷാൻ കിഷൻ. ഇതിനോടകം കഴിവ് തെളിയിച്ച അദ്ദേഹം, നിലവിൽ സൺറൈസേഴ്സ് ഹൈദരാബാദ് ഓപ്പണറാണ്. മുംബൈ സ്വദേശിയായ ഇദ്ദേഹം രഞ്ജി ട്രോഫിയിൽ ഉൾപ്പടെ മുംബൈയ്ക്കുവേണ്ടി തകർപ്പൻ പ്രകടനം നടത്തിയിട്ടുണ്ട്. ഇപ്പോഴിതാ, ഇഷാൻ കിഷന്റെ ഐപിഎൽ ടീം മാറ്റമാണ് വാർത്തകളിൽ നിറയുന്നത്.
സൺറൈസേഴ്സ് ഹൈദരാബാദ് ഓപ്പണർ ഇഷാൻ കിഷൻ, പാതിരാത്രിയിൽ മുംബൈയിലെ ഹാർദിക് പാണ്ഡ്യയുടെ വീട്ടിലെത്തിയതാണ് ഏറ്റവും പുതിയ ചർച്ചാ വിഷയം. ഹാർദികിന്റെ വീടിന് പുറത്തുണ്ടായിരുന്ന ചെറുപ്പക്കാരാണ് കാറിൽ മടങ്ങുന്ന ഇഷാൻ കിഷന്റെ ദൃശ്യം മൊബൈലിൽ പകർത്തിയത്. ബൈക്കിൽ പിന്തുടർന്നാണ് ദൃശ്യം പകർത്തിയത്. ഈ സമയം ക്യാമറയിലേക്ക് നോക്കി ഇഷാൻ കിഷൻ കൈവീശി കാണിക്കുന്നുണ്ട്.
അതേസമയം ഇഷാന്റെ വരവ് ഐപിഎൽ ടീം മാറ്റത്തിന്റെ സൂചനയാണോയെന്നാണ് ആരാധകർ ചോദിക്കുന്നത്. നിലവിൽ സൺറൈസേഴ്സ് താരമാണെങ്കിലും, സ്വന്തം നാടായ മുംബൈയിലെ ഫ്രാഞ്ചൈസിക്കൊപ്പം ചേരാൻ അദ്ദേഹത്തിന് താൽപര്യമുണ്ടെന്നാണ് സൂചന.
Ishan Kishan visited Hardik Pandya's house last night 🔥#IshanKishan pic.twitter.com/DDza510XWg
— Ayush (@AyushCricket32) November 12, 2025
കഴിഞ്ഞ സീസണിൽ ഹൈദരാബാദിനൊപ്പം സെഞ്ച്വറിയടിച്ച് തുടങ്ങിയെങ്കിലും പിന്നീട് നിറംമങ്ങിയ ഇഷാൻ കിഷനെയാണ് കാണാനായത്. അതുകൊണ്ടുതന്നെ ഇഷാൻ കിഷനെ കൈമാറാൻ സൺറൈസേഴ്സ് തയ്യാറായേക്കുമെന്ന് സൂചനയുണ്ട്. ഇഷാനെ വാങ്ങാൻ, മുൻ ടീമായ മുംബൈ ഇന്ത്യൻസിന് താൽപര്യമുണ്ടെന്നും റിപ്പോർട്ടുകളുണ്ട്.
Also Read- സഞ്ജുവിന്റെ ഐപിഎൽ കൈമാറ്റം പ്രതിസന്ധിയിലോ? ചെന്നൈയിൽ എത്തിയാലും ക്യാപ്റ്റൻ സ്ഥാനം ലഭിച്ചേക്കില്ല
അതിനിടെയാണ് മുംബൈ ഇന്ത്യൻസ് ക്യാപ്റ്റൻ കൂടിയായ ഹാർദിക് പാണ്ഡ്യയുടെ വീട്ടിലെത്തി മടങ്ങുന്ന ഇഷാൻ കിഷന്റെ ദൃശ്യങ്ങൾ പുറത്തുവന്നിരിക്കുന്നത്. ഐപിഎല്ലിൽ ഒരു ടീമിന് വേണ്ടി കളിക്കുന്ന താരം മറ്റൊരു ടീമിന്റെ ക്യാപ്റ്റനെ സന്ദർശിക്കുന്നത് സ്വാഭാവികമല്ലെന്നാണ് ആരാധകർ പറയുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
