ഇന്ന് 41 റൺസടിച്ചാൽ ഹിറ്റ്മാൻ മറികടക്കാൻ പോകുന്നത് നിർണായകമായ ഒരു നാ‍ഴികകല്ല്

അന്താരാഷ്ട്ര ക്രിക്കറ്റിൽ 41 റൺസ് കൂടി നേടിയാൽ നേട്ടത്തിന്റെ മറ്റൊരു നാ‍ഴികകല്ല് കൂടി മറികടക്കാൻ ആരാധകരുടെ പ്രിയപ്പെട്ട ഹിറ്റ്മാന് സാധിക്കും. 20,000 റൺസ് എന്ന നേട്ടത്തിന് 41 റൺസ് അകലെ മാത്രമാണ് രോഹിത് ശർമ. ഈ നേട്ടം കൈവരിച്ചാൽ 20,000 റൺസ് ക്ലബിലെത്തുന്ന നാലാമത്തെ ഇന്ത്യൻ താരമായി രോഹിത് ശർമ മാറും.

സച്ചിൻ തെണ്ടുൽക്കർ, വിരാട് കോഹ്‌ലി, രാഹുൽ ദ്രാവിഡ് എന്നിവരാണ് ഈ നേട്ടം നേരത്തെ കൈവരിച്ചിട്ടുള്ള ഇന്ത്യൻ ബാറ്റ്സ്മാന്മാർ. 34,357 റൺസുള്ള സച്ചിൻ തെണ്ടുൽക്കറാണ് പട്ടികയിൽ ഒന്നാമതുള്ളത്. 27,808 റൺസുമായി കോഹ്‌ലിയും 24,064 റൺസുമായി ദ്രാവിഡുമാണ് സച്ചിന്റെ പിന്നിലുള്ളത്.

Also Read: ഇന്ത്യ ദക്ഷിണാഫ്രിക്ക ടി 20: പരുക്കേറ്റ ഗിൽ തിരിച്ചെത്തുമോ അതോ സഞ്ജു ഓപ്പൺ ചെയ്യുമോ

503 മത്സരങ്ങളിൽ നിന്ന് 42.46 ശരാശരിയിൽ 19,959 റൺസാണ് ഇതുവരെ രോഹിത് ശർമ നേടിയിട്ടുള്ളത്. റായ്പൂരിൽ നടക്കുന്ന ഇന്ത്യ-ദക്ഷിണാഫ്രിക്ക ഏകദിന പരമ്പരയിലെ രണ്ടാം മത്സരത്തിൽ 41 റൺസ് കൂടി സ്കോർ ചെയ്യുകയാണെങ്കിൽ പട്ടികയിൽ നാലാം സ്ഥാനത്തേക്ക് രോഹിത്തിനുയരാൻ സാധിക്കും.