റാഞ്ചി: ഇന്ത്യൻ ക്രിക്കറ്റിലെ എക്കാലത്തെയും മികച്ച ബാറ്റിംഗ് ഇതിഹാസങ്ങളായ സച്ചിൻ ടെണ്ടുൽക്കറുടെയും രാഹുൽ ദ്രാവിഡിന്റെയും പേരിലുണ്ടായിരുന്ന അപൂർവ്വ റെക്കോർഡ് തകർത്ത് രോഹിത് ശർമ്മ-വിരാട് കോഹ്ലി സഖ്യം. ദക്ഷിണാഫ്രിക്കയ്ക്കെതിരായ റാഞ്ചി ഏകദിനത്തിലാണ് ആധുനിക ക്രിക്കറ്റിലെ ഈ സൂപ്പർ താരങ്ങൾ ചരിത്രം കുറിച്ചത്.
എം.എസ്. ധോണിയുടെ തട്ടകമായ റാഞ്ചിയിൽ നടന്ന മത്സരത്തിൽ, രോഹിത് ശർമ്മയും വിരാട് കോഹ്ലിയും ചേർന്ന് കളിച്ച 392-ാമത് അന്താരാഷ്ട്ര മത്സരമായിരുന്നു. ഇതോടെ, അന്താരാഷ്ട്ര ക്രിക്കറ്റിൽ ഏറ്റവും കൂടുതൽ മത്സരങ്ങളിൽ ഒരുമിച്ച് കളിച്ച ഇന്ത്യൻ ജോഡി എന്ന റെക്കോർഡ് സച്ചിൻ-ദ്രാവിഡ് സഖ്യത്തിൽ നിന്ന് രോഹിതും കോഹ്ലിയും സ്വന്തമാക്കി.
വർഷങ്ങളായി സച്ചിനും ദ്രാവിഡും കൈവശം വെച്ചിരുന്ന ഈ റെക്കോർഡാണ് ഇപ്പോൾ വഴിമാറിയത്. റാഞ്ചിയിൽ ദക്ഷിണാഫ്രിക്കയ്ക്കെതിരെ ഇരുവരും ചേർന്ന് മികച്ച ബാറ്റിംഗ് പ്രകടനമാണ് കാഴ്ചവെച്ചത്. വ്യക്തിഗത റെക്കോർഡുകൾക്ക് പുറമെ, ഒരു സഖ്യമെന്ന നിലയിലും ഇന്ത്യൻ ക്രിക്കറ്റിന് കോഹ്ലിയും രോഹിത്തും ചേർന്ന് നൽകിയ സംഭാവനകളുടെ തെളിവാണ് ഈ പുതിയ നേട്ടം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
