ഇന്ത്യൻ ഓഹരിവിപണിയിൽ ഇന്ന് കനത്ത ഇടിവ്. സെൻസെക്സ് 417 പോയിന്റ് ഇടിഞ്ഞ് 76,886.91-ലും നിഫ്റ്റി 97 പോയിന്റ് കുറഞ്ഞ് 23,995.70-ലും ക്ലോസ് ചെയ്തു. ബാങ്കിംഗ് ഓഹരികളിലുണ്ടായ കനത്ത സമ്മർദ്ദമാണ് ഇന്നത്തെ ഇടിവിനു കാരണം.
റിസർവ് ബാങ്ക് ഓഫ് ഇന്ത്യയുടെ പുതിയ ക്രെഡിറ്റ് ലോസ് നിബന്ധനകൾ വന്നതോടെ കൊട്ടക് മഹീന്ദ്ര ബാങ്ക് ഒഴികെയുള്ള എല്ലാ ബാങ്ക് ഓഹരികളും നഷ്ടത്തിൽ ക്ലോസ് ചെയ്തപ്പോൾ നിഫ്റ്റി ബാങ്ക് സൂചിക 864 പോയിന്റ് താഴ്ന്ന് 55,400-ലെത്തി.
സെൻസെക്സ് ഓഹരികളിൽ ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ, അദാനി എൻ്റർപ്രൈസസ്, കോൾ ഇന്ത്യ, നെസ്ലെ ഇന്ത്യ, റിലയൻസ് ഇൻഡസ്ട്രീസ്, ഭാരതി എയർടെൽ eന്നിവ നേട്ടം കൊയ്തപ്പോൾ പ്രധാന ഓഹരികളായ ഇൻ്റർഗ്ലോബ് ഏവിയേഷൻ, എച്ച്സിഎൽ ടെക്നോളജീസ്, ആക്സിസ് ബാങ്ക്, ശ്രീറാം ഫിനാൻസ്, അൾട്രാടെക് സിമൻ്റ്, ഇൻഫോസിസ് എന്നിവ നഷ്ടത്തിലേക്ക് കൂപ്പുകുത്തി.
ക്രൂഡ് ഓയിൽ വില ബാരലിന് ഏകദേശം 111 ഡോളർ വരെ ഉയർന്നതിനെ തുടർന്ന് അപ്സ്ട്രീം ഓയിൽ കമ്പനികൾ നേട്ടം കൊയ്തപ്പോൾ , ഡൗൺസ്ട്രീം കമ്പനികൾ ഇടിവ് രേഖപ്പെടുത്തി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
