ഉച്ചയ്ക്ക് തമിഴ് സ്റ്റൈല്‍ സാമ്പാര്‍ സാദം സിംപിളായി തയ്യാറാക്കിയാലോ ?

ഉച്ചയ്ക്ക് തമിഴ് സ്റ്റൈല്‍ സാമ്പാര്‍ സാദം സിംപിളായി തയ്യാറാക്കിയാലോ ? നല്ല കിടിലന്‍ രുചിയില്‍ സാമ്പാര്‍ സാദം തയ്യാറാക്കുന്നത് എങ്ങനെയെന്ന് നോക്കിയാലോ ?

ചേരുവകള്‍

പച്ചരി / പൊന്നിയരി – 1 കപ്പ്

തുവരപരിപ്പ് – 3/4 കപ്പ്

ഉപ്പ് – ആവശ്യത്തിന്

നെയ്യ് – 1 ടീസ്പൂണ്‍ + 2 ടേബിള്‍സ്പൂണ്‍

വെള്ളം – 5 കപ്പ് + 2 കപ്പ്

വറ്റല്‍ മുളക് – 20 എണ്ണം

മല്ലി – 1 1/2 ടേബിള്‍സ്പൂണ്‍

കറുവപട്ട – 1 ചെറിയ കഷ്ണം

പെരുഞ്ചീരകം – 1 ടീസ്പൂണ്‍

ജീരകം – 1 ടീസ്പൂണ്‍

കുരുമുളക് – 1 ടീസ്പൂണ്‍

ചനാ ദാല്‍ – 1 1/2 ടേബിള്‍സ്പൂണ്‍

ഉഴുന്ന് പരിപ്പ് – 11/2 ടീസ്പൂണ്‍

വെളിച്ചെണ്ണ – 1 ടീസ്പൂണ്‍

നാളികേരം – 1/4 കപ്പ്

മുരിങ്ങക്കോല്‍ – 1 എണ്ണം

ചെറിയ ഉള്ളി – 8 – 10 എണ്ണം

ബീന്‍സ് – 3 – 4 എണ്ണം

സവാള – 1

കാരറ്റ് – 1

തക്കാളി – 2 എണ്ണം

ഉരുളക്കിഴങ്ങ് – 1 എണ്ണം

പച്ചമുളക് – 2 എണ്ണം

വഴുതനങ്ങാ – 2 എണ്ണം

വെളിച്ചെണ്ണ – 1 ടേബിള്‍സ്പൂണ്‍

ഉലുവാ പൊടിച്ചത് – 1/4 ടീസ്പൂണ്‍

കായംപൊടിച്ചത് – 1/4 ടീസ്പൂണ്‍ + 1/4 ടീസ്പൂണ്‍

മഞ്ഞള്‍പ്പൊടി – 1/4 – 1/2 ടീസ്പൂണ്‍

പുളി – നെല്ലിക്കാ വലുപ്പത്തില്‍

മല്ലിയില

കടുക് – 1 ടീസ്പൂണ്‍

കശുവണ്ടിപരിപ്പ് – 25 ഗ്രാം

തയ്യാറാക്കുന്ന വിധം

പൊന്നിയരിയും തുവരപരിപ്പും ഉപ്പും നെയ്യും വേവിച്ചെടുക്കുക

പിരിയന്‍ മുളക്, മല്ലി, പട്ട, പെരുംഞ്ചീരകം, നല്ലജീരകം, കുരുമുളക്, കടലപരിപ്പ്, ഉഴുന്ന് എന്നിവ വറുക്കുക

കാല്‍കപ്പ് തേങ്ങയും ചെറുതായി വറുത്തെടുക്കാം.

ഇത് എല്ലാം മിക്‌സിയില്‍ അരച്ച് എടുക്കാം.

പച്ചക്കറികള്‍ ചെറിയ കഷ്ണങ്ങളാക്കുക.

വെളിച്ചെണ്ണ ചൂടാക്കി, ഉലുവയും കായപ്പൊടിയും മഞ്ഞള്‍പ്പൊടിയും ചേര്‍ക്കാം.

ഇതിലേക്ക് ചെറിയ ഉള്ളിയും സവാളയും രണ്ട് പച്ചമുളകും ചേര്‍ത്ത് വഴറ്റാം

അരിഞ്ഞു വച്ചിരിക്കുന്ന പച്ചക്കറികള്‍ എല്ലാം ചേര്‍ത്ത് വഴറ്റാം.

വറത്തു വച്ചിരിക്കുന്ന മസാല പേസ്റ്റും ചേര്‍ത്ത് പച്ചക്കറികള്‍ വേവിച്ച് എടുക്കണം.

അതിലേക്ക് പുളി പിഴിഞ്ഞതും വേവിച്ച് വച്ചിരിക്കുന്ന ചോറ് – പരിപ്പ് മിശ്രിതവും ചേര്‍ത്ത് യോജിപ്പിക്കുക

മല്ലിയില, ചൂടാക്കിയ നെയ്യില്‍ കടുക്, കറിവേപ്പില, കശുവണ്ടിപരിപ്പ്, കായപ്പൊടി വറുത്ത് ചേര്‍ക്കുക