തമിഴ്‌നാട് നിയമസഭാ തെരഞ്ഞെടുപ്പ്; ബിജെപിയുടെ സ്ഥാനാർഥി പട്ടിക പുറത്ത്, അണ്ണാമലൈയ്ക്ക് സീറ്റില്ല

തമിഴ്‌നാട് നിയമസഭാ തിരഞ്ഞെടുപ്പിനുള്ള ഭാരതീയ ജനതാ പാർട്ടിയുടെ ആദ്യഘട്ട സ്ഥാനാർത്ഥി പട്ടിക പുറത്തിറങ്ങി. 27 മണ്ഡലങ്ങളിലെ സ്ഥാനാർത്ഥികളെയാണ് പാർട്ടി ഇപ്പോൾ പ്രഖ്യാപിച്ചിരിക്കുന്നത്. എന്നാൽ രാഷ്ട്രീയ വൃത്തങ്ങളെയും അണികളെയും അമ്പരപ്പിച്ചുകൊണ്ട് ബിജെപി സംസ്ഥാന അധ്യക്ഷൻ കെ. അണ്ണാമലൈയുടെ പേര് ഈ പട്ടികയിൽ ഇടംപിടിച്ചിട്ടില്ല.

തമിഴ് രാഷ്ട്രീയത്തിൽ ബിജെപിയുടെ മുഖമായി മാറിയ അണ്ണാമലൈ ഇത്തവണ മത്സരിക്കുമോ എന്ന കാര്യത്തിൽ വലിയ ചർച്ചകൾ നടന്നിരുന്നു. എന്നാൽ ആദ്യ പട്ടികയിൽ അദ്ദേഹത്തിന്റെ പേരില്ലാത്തത് പാർട്ടി പ്രവർത്തകർക്കിടയിൽ സമ്മിശ്ര പ്രതികരണമാണ് ഉണ്ടാക്കിയിരിക്കുന്നത്. അദ്ദേഹം പ്രചാരണ പ്രവർത്തനങ്ങളിൽ കേന്ദ്രീകരിക്കാനാണോ അതോ പിൽക്കാലത്ത് മറ്റൊരു മണ്ഡലത്തിൽ നിന്ന് മത്സരിക്കാനാണോ നീക്കം എന്ന് വ്യക്തമല്ല.

പ്രധാനപ്പെട്ട 27 മണ്ഡലങ്ങളിലേക്കുള്ള കരുത്തുറ്റ സ്ഥാനാർത്ഥികളെയാണ് ബിജെപി പ്രഖ്യാപിച്ചിരിക്കുന്നത്. പരിചയസമ്പന്നരായ നേതാക്കളും പുതുമുഖങ്ങളും പട്ടികയിൽ ഇടംപിടിച്ചിട്ടുണ്ട്. പ്രചാരണം ശക്തമാക്കാൻ ബിജെപി അണ്ണാമലൈയുടെ നേതൃത്വത്തിൽ സംസ്ഥാനത്തുടനീളം വലിയ മുന്നേറ്റം നടത്തുന്ന ബിജെപി, ഇത്തവണ നിയമസഭയിൽ മികച്ച വിജയം നേടാമെന്ന പ്രതീക്ഷയിലാണ്.

അണ്ണാമലൈ സ്ഥാനാർത്ഥിയാകാത്തത് പാർട്ടിയുടെ തിരഞ്ഞെടുപ്പ് തന്ത്രത്തിന്റെ ഭാഗമാണെന്നാണ് ഔദ്യോഗിക വിശദീകരണം. അദ്ദേഹം സംസ്ഥാനത്തുടനീളമുള്ള ബിജെപി സ്ഥാനാർത്ഥികളുടെ വിജയത്തിനായി പ്രചാരണത്തിന് നേതൃത്വം നൽകുമെന്നാണ് സൂചന. അടുത്ത പട്ടികകളിൽ പ്രമുഖരായ മറ്റ് നേതാക്കളുടെ പേരുകൾ ഉണ്ടാകുമോ എന്നാണ് ഇപ്പോൾ തമിഴ് രാഷ്ട്രീയം ഉറ്റുനോക്കുന്നത്.

content summary: Annamalai missing from BJP’s candidate list for Tamil Nadu polls