രാജ്യത്തെ ഏറ്റവും വലിയ മൊബൈൽ സേവനദാതാക്കളാണ് ജിയോ. നിലവിൽ രണ്ടുതരം റീച്ചാർജ് പ്ലാനുകളാണ് ജിയോ അവതരിപ്പിച്ചിട്ടുള്ളത്. അതിൽ ഒന്ന് ട്രൂ 5ജി പ്ലാനുകളും മറ്റൊന്ന് പ്രതിദിനം പരിമിതമായ ഡാറ്റ മാത്രം നൽകുന്ന പ്ലാനുകളുമാണ്. പ്രതിദിന ഡാറ്റാ പരിധിയുള്ള പ്ലാനുകൾക്ക് നിരക്ക് കുറവാണെങ്കിലും, ജിയോ ഇപ്പോൾ പ്രതിദിനം 1 ജിബി ഡാറ്റയും അൺലിമിറ്റഡ് കോളുകളും മറ്റ് ആനുകൂല്യങ്ങളും നൽകിയിരുന്ന 249 രൂപയുടെ പ്രതിമാസ പ്രീപെയ്ഡ് പ്ലാൻ നിർത്തലാക്കി. ജിയോയുടെ ഏറെ ജനപ്രിയ പ്ലാനായിരുന്നു ഇത്.
249 രൂപയുടെ പ്രതിമാസ പ്ലാൻ ഒഴിവാക്കിയതോടെ, ജിയോയുടെ ഏറ്റവും കുറഞ്ഞ പ്ലാനിന്റെ നിരക്ക് 299 രൂപയായി ഉയർന്നു. ഈ പ്രീപെയ്ഡ് പ്ലാൻ തെരഞ്ഞെടുക്കുന്നവർക്ക് പ്രതിദിനം 1.5 ജിബി ഡാറ്റയും (മൊത്തം 42 ജിബി), അൺലിമിറ്റഡ് വോയിസ് കോളുകളും, പ്രതിദിനം 100 എസ്എംഎസും ലഭിക്കുന്നു. കൂടാതെ, ജിയോ ടിവി, ജിയോ എഐ ക്ലൗഡ് എന്നിവയിലേക്കുള്ള സബ്സ്ക്രിപ്ഷനും ഇതിൽ ഉൾപ്പെടുന്നു. എന്നാൽ, പ്രതിദിനം 2 ജിബിയിൽ താഴെ ഡാറ്റ നൽകുന്ന പ്ലാനുകൾക്ക് സൗജന്യ 5ജി സേവനങ്ങൾ ലഭിക്കില്ല.
Also Read- 15,000 രൂപക്കൊരു ഉഗ്രന് ഫോണ്; വരുന്നു റെഡ്മി 15 5ജി, ഇന്ത്യയില് അവതരിപ്പിക്കുന്ന തീയതി അറിയാം
അതേസമയം 2 ജിബി പ്രതിദിന പ്ലാനിലേക്ക് മാറുമ്പോൾ, ജിയോ സൗജന്യമായി ട്രൂ 5ജി സേവനങ്ങളും ഒടിടി ആപ്പ് സബ്സ്ക്രിപ്ഷനുകളും നൽകുന്നു. ഉദാഹരണത്തിന്, പ്രതിദിനം 2 ജിബി ഡാറ്റയും 28 ദിവസത്തെ വാലിഡിറ്റിയും പ്രതിദിനം 100 എസ്എംഎസും അൺലിമിറ്റഡ് കോളിംഗും നൽകുന്ന 349 രൂപയുടെ പ്ലാനിനൊപ്പം, 90 ദിവസത്തെ ജിയോഹോട്ട്സ്റ്റാർ സബ്സ്ക്രിപ്ഷനും ട്രൂ 5ജി സേവനങ്ങളും ലഭിക്കും. സാങ്കേതികമായി പറഞ്ഞാൽ, ഈ 2 ജിബി 4ജി ഡാറ്റ ദിവസവും പുതുക്കപ്പെടും. 5ജി ലഭ്യമല്ലാത്ത സ്ഥലങ്ങളിൽ മാത്രം ഈ ഡാറ്റ ഉപയോഗിക്കാനാകും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
