ലോകത്തിലെ കൊതുകുകളില്ലാത്ത സ്ഥലങ്ങളിലൊന്നായ ഐസ്ലാൻഡിൽ ആദ്യമായി കൊതുകുകളെ കണ്ടെത്തിയതായി റിപ്പോർട്ട്. ഐസ്ലാൻഡിലെ നാച്ചുറൽ സയൻസ് ഇൻസ്റ്റിറ്റ്യൂട്ടിലെ ശാസ്ത്രജ്ഞനായ മത്തിയാസ് ആൽഫ്രഡ്സൺ പറയുന്നതനുസരിച്ച്, തലസ്ഥാനമായ റെയ്ക്ജാവിക്കിന് 30 കിലോമീറ്റർ (20 മൈൽ) വടക്ക് ഭാഗത്തായി രണ്ട് പെൺ ഇനങ്ങളും ഒരു ആൺ ഇനവുമായ മൂന്ന് കുലിസെറ്റ ആനുലേറ്റ കൊതുകുകളെ കണ്ടെത്തി. അന്റാർട്ടിക്കയ്ക്കൊപ്പം, കൊതുകുകളില്ലാത്ത ഭൂമിയിലെ ചുരുക്കം ചില സ്ഥലങ്ങളിൽ ഒന്നാണ് ഐസ്ലൻഡ്.
ചിത്രശലഭങ്ങളെ ആകർഷിക്കാൻ ഉപയോഗിക്കുന്ന “വൈൻ റോപ്പുകൾ” (wine ropes) ഉപയോഗിച്ചാണ് ഇവയെ ശേഖരിച്ചതെന്ന് ഗവേഷകൻ ഇമെയിൽ വഴി അറിയിച്ചു. പഞ്ചസാര ചേർത്ത ചൂടുള്ള വൈനിൽ തുണിയുടെ കഷ്ണങ്ങളോ കയറുകളോ മുക്കി പുറത്ത് തൂക്കിയിടുന്ന രീതിയാണ് ‘വൈൻ റോപ്പുകൾ’.
ALSO READ: വാട്ട്സ്ആപ്പിൽ നിന്ന് ചാറ്റ്ജിപിടി ഔട്ട് ? 2026 ജനുവരി മുതൽ പ്രധാന എഐ ചാറ്റ്ബോട്ടുകൾക്ക് വിലക്ക്
പ്രകൃതിദത്ത പരിതസ്ഥിതിയിൽ കൊതുകുകളെ കണ്ടെത്തുന്ന രാജ്യത്തെ ആദ്യത്തെ രേഖയാണിത്. നിരവധി വർഷങ്ങൾക്ക് മുൻപ് കെഫ്ലാവിക്ക് വിമാനത്താവളത്തിൽ (Keflavik airport) വെച്ച് ഒരു ആർട്ടിക് കൊതുകിനെ (Aedes nigripes) കണ്ടെത്തിയിരുന്നുവെങ്കിലും ആ മാതൃക നഷ്ടപ്പെട്ടുപോയിരുന്നു.
കപ്പലുകൾ വഴിയോ മറ്റ് കണ്ടെയ്നറുകൾ വഴിയോ അടുത്തിടെ രാജ്യത്തേക്ക് ഇവ എത്തിപ്പെട്ടതാകാം ഇവയുടെ സാന്നിധ്യത്തിന് കാരണമെന്ന് ആൽഫ്രഡ്സൺ അഭിപ്രായപ്പെട്ടു. കൂടുതൽ വ്യാപനം നിർണ്ണയിക്കാൻ വസന്തകാലത്ത് കൂടുതൽ നിരീക്ഷണം ആവശ്യമാണെന്നും അദ്ദേഹം കൂട്ടിച്ചേർത്തു.
കാലാവസ്ഥാ വ്യതിയാനം (climate change) മൂലമുണ്ടാകുന്ന വർദ്ധിച്ചുവരുന്ന താപനില, നീണ്ട വേനൽക്കാലം, മിതമായ ശൈത്യകാലം എന്നിവ കൊതുകുകൾക്ക് വളരാൻ അനുകൂലമായ അന്തരീക്ഷം സൃഷ്ടിക്കുമെങ്കിലും, ഈ പ്രത്യേക കണ്ടെത്തലിന് കാരണം കാലാവസ്ഥാ മാറ്റമാണെന്ന് ആൽഫ്രഡ്സൺ വിശ്വസിക്കുന്നില്ല.
കണ്ടെത്തിയ ക്യുലിസെറ്റ അന്യൂലേറ്റ (Culiseta annulata) എന്ന ഇനം തണുപ്പുള്ള കാലാവസ്ഥയുമായി നന്നായി പൊരുത്തപ്പെടുന്നതായി കാണപ്പെടുന്നു. താപനില പൂജ്യത്തിന് താഴെയായി കുറയുമ്പോൾ പോലും കഠിനമായ നീണ്ട ശൈത്യകാലത്തെ അതിജീവിക്കാൻ ഇത് അവയെ അനുവദിക്കുന്നു. കൂടാതെ, അതിന്റെ വൈവിധ്യമാർന്ന പ്രജനന ആവാസവ്യവസ്ഥകൾ ഐസ്ലാന്റിലെ വെല്ലുവിളികൾ നിറഞ്ഞ ചുറ്റുപാടുകളിൽ നിലനിൽക്കാനുള്ള ഇവയുടെ കഴിവിനെ വർദ്ധിപ്പിക്കുന്നു എന്നും അദ്ദേഹം പറഞ്ഞു
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
