യൂട്യൂബിൽ നിന്ന് നിങ്ങളുടെ അക്കൗണ്ട് നീക്കം ചെയ്തോ? ഇതാ ഒരു സെക്കന്റ് ചാൻസ്; തിരിച്ച് വരാൻ അവസരം

നിയമങ്ങളും നയങ്ങളും ലംഘിച്ചതിനാൽ യൂട്യൂബിൽ നിന്ന് നിരോധിക്കപ്പെടുകയും വരുമാനം നിലയ്ക്കുകയും ചെയ്ത അക്കൗണ്ടുകൾക്ക് തിരിച്ചുവരാൻ അവസരം. മുൻപ് ഇത്തരം കാരണങ്ങളാൽ ചാനലുകൾ അവസാനിപ്പിച്ചവർക്ക് പുതിയ ചാനലുമായി തിരിച്ചുവരാൻ അവസരം ഒരുക്കുകയാണ് യുട്യൂബ്.

യൂട്യൂബ് നിയമങ്ങൾ ലംഘിച്ചതിനാൽ ചാനലുകൾ അവസാനിപ്പിച്ച വ്യക്തികൾക്ക് ഇപ്പോൾ ഒരു പുതിയ ചാനൽ സൃഷ്ടിക്കാൻ യുട്യൂബിൽ അഭ്യർത്ഥിക്കാവുന്നതാണ്. ഇത്തരത്തിലുള്ളവരുടെ ഐഡൻ്റിറ്റി പുനർനിർമ്മിക്കുന്നതിനും പ്രേക്ഷകരെ വീണ്ടും ആകർഷിക്കുന്നതിനുമുള്ള ഒരു പുതിയ തുടക്കം വാഗ്ദാനം ചെയ്യുകയാണ് കമ്പനി.
മുൻപ് ഒരു അക്കൗണ്ട് അവസാനിപ്പിക്കേണ്ടി വന്നാൽ തിരികെ വരാൻ വഴിയില്ലാതെ സ്ഥിരമായി നീക്കം ചെയ്യൽ എന്നായിരുന്നു. പുതിയ അപ്ഡേറ്റ് പ്രകാരം ചില യോഗ്യരായ സ്രഷ്ടാക്കൾക്ക് രണ്ടാമതും അവസരം നൽകും. എന്നാൽ, ഗുരുതരമായതോ ആവർത്തിച്ചുള്ളതോ ആയ ലംഘനങ്ങൾ നടത്തിയവർ അല്ലെങ്കിൽ പ്ലാറ്റ്‌ഫോമിന് കാര്യമായ ദോഷം വരുത്തിയവർ തുടങ്ങിയവർക്ക് ഇത്തരത്തിൽ അക്കൗണ്ടുകൾ ഉണ്ടാക്കാൻ സാധിക്കില്ല.

ALSO READ: ഇനി അനാവശ്യ നോട്ടിഫിക്കേഷനുക‍ൾ ലഭിക്കില്ല: പുത്തൻ അപ്ഡേറ്റുമായി ക്രോം

പുതിയ സ്‌കീം പ്രകാരം യോഗ്യരായ സ്രഷ്ടാക്കൾക്ക് ഒരു പ്രത്യേക ഓപ്ഷൻ ലഭിക്കും. മുമ്പ് നിരോധിച്ച അക്കൗണ്ട് ഉപയോഗിച്ച്, ഡെസ്‌ക്‌ടോപ്പിൽ YouTube സ്റ്റുഡിയോയിൽ ലോഗിൻ ചെയ്യുമ്പോൾ, പുതിയൊരു ചാനൽ സൃഷ്ടിക്കാനുള്ള ഓപ്ഷൻ കാണാനാകും. അംഗീകാരം ലഭിച്ചാൽ അവർക്ക് പുതിയ ചാനൽ ആരംഭിക്കാം.
സ്വന്തം ചാനലോ ഗൂഗിൾ അക്കൗണ്ടോ ഇല്ലാതാക്കിയ സ്രഷ്‌ടാക്കൾക്ക് ഈ ഓപ്ഷൻ നൽകില്ല. മാത്രമല്ല, പുതിയതായി ആരംഭിക്കുന്നതിന് അപേക്ഷിക്കുന്നതിന് മുമ്പ് ചാനൽ അവസാനിപ്പിച്ചതിന് ശേഷം ഒരു വർഷത്തെ കാത്തിരിപ്പ് കാലയളവ് YouTube ആവശ്യപ്പെടുന്നു, എന്നാൽ ഈ സമയത്ത് അപ്പീലുകൾ സമർപ്പിക്കാൻ കഴിയും.