ജോലിസ്ഥലത്തേക്ക് ജീവനക്കാരെ കൊണ്ടുപോകുകയായിരുന്ന ടെമ്പോ ട്രാവലറിന് തീ പിടിച്ചു. തുടർന്ന് നാലുപേർ വെന്തുമരിച്ചു. നെയിലെ ഹിഞ്ചേവാഡി പ്രദേശത്താണ് സംഭവം. പുലർച്ചെ ഒരു സ്വകാര്യ സ്ഥാപനത്തിലെ നിരവധി ജീവനക്കാരെ അവരുടെ ജോലിസ്ഥലത്തേക്ക് കൊണ്ടുപോകുന്നതിനിടെയാണ് ടെമ്പോ ട്രാവലർ കത്തിയമർന്നത്. രാജീവ് ഗാന്ധി ഇൻഫോടെക് പാർക്ക് ഫേസ് 1 ലെ ദസ്സോ സിസ്റ്റംസിന് സമീപം എത്തിയപ്പോൾ, വേഗത കുറച്ചതോടെ വാഹനം പൊട്ടിത്തെറിക്കുകയായിരുന്നു.
കുറച്ച് ജീവനക്കാർ ഓടി രക്ഷപ്പെട്ടു, പക്ഷേ നാലുപേർ തീയിൽ കുടുങ്ങി മരിച്ചു; ബസ് ഡ്രൈവർ ഉൾപ്പെടെ മറ്റ് രണ്ട് പേർക്ക് പരിക്കേറ്റു, അദ്ദേഹത്തിന്റെ പരിക്ക് ഗുരുതരമാണ്. തീപിടിത്തമുണ്ടായപ്പോൾ ടെമ്പോ ട്രാവലർ ബസിൽ 12 ജീവനക്കാർ ഉണ്ടായിരുന്നതായി വൃത്തങ്ങൾ റിപ്പോർട്ട് ചെയ്യുന്നു. വാതിലുകൾ കുടുങ്ങിയതെടെയാണ് 4 പേഞ കുടുങ്ങിപ്പോയത്.
തീ അണയ്ക്കാനും സ്ഥിതിഗതികൾ നിയന്ത്രിക്കാനും അഗ്നിശമന സേനാംഗങ്ങളും പോലീസും സ്ഥലത്തെത്തി. പരിക്കേറ്റ നിരവധി പേരെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തെത്തുടർന്ന് പ്രദേശത്തെ ഗതാഗതം തടസ്സപ്പെട്ടു.തീപിടിത്തത്തിന്റെ കൃത്യമായ കാരണം ഇതുവരെ കണ്ടെത്തിയിട്ടില്ല, അന്വേഷണം നടന്നുവരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
