എപ്പോഴെങ്കിലും ശ്രദ്ധിച്ചിട്ടുണ്ടോ? ഹോട്ടൽ മുറിയിലെ ചുമരിൽ ക്ലോക്കില്ലാത്തതിന്റെ കാരണം

ഒരു വീട്ടിൽ അത്യാവശ്യമായി ഉണ്ടായിരിക്കേണ്ട സാധനങ്ങളിലൊന്നാണ് ക്ലോക്ക്. എന്നാൽ ഹോട്ടൽ മുറികളിലെത്തിയാൽ ക്ലോക്കുകൾ ഒരു ഷോ പീസിനുപോലും ഉണ്ടായിരിക്കില്ല. ഇതുവരെയെങ്കിലും നിങ്ങൾ ഈ കാര്യം ശ്രദ്ധിച്ചിട്ടുണ്ടോ. ഇതൊരു സാധാരണ കാര്യമായിരിക്കുമെന്ന് നിങ്ങൾ വിശ്വസിക്കുന്നുണ്ടെങ്കിൽ അത് തെറ്റിപ്പോയി.

മുറിയിലെ ചുമരുകളിൽ ഒരു ക്ലോക്ക് ഘടിപ്പിച്ചാൽ ആളുകൾ സമയം നോക്കിക്കൊണ്ടേയിരിക്കുമെന്നാണ് ഹോട്ടൽ വ്യവസായം വിശ്വസിക്കുന്നത്. ഇത് അവരെ നേരത്തെ എഴുന്നേൽക്കണോ, മീറ്റിംഗ് നടത്തണോ, ചെക്ക് ഔട്ട് ചെയ്യണോ, അല്ലെങ്കിൽ മറ്റെന്തെങ്കിലും ചെയ്യണോ എന്നതിനെക്കുറിച്ച് ഓർത്ത് വിഷമിപ്പിക്കും. അതുകൊണ്ടാണ് പല ഹോട്ടലുകളും മനഃപൂർവ്വം മുറികളിൽ ക്ലോക്കുകൾ ഘടിപ്പിക്കാത്തത്.

also read:ഏഴ് മിനിട്ടിനുള്ളിൽ മൂന്ന് കിലോമീറ്റർ യാത്ര, ഇന്ത്യയിലെ ഷോർട്ടസ്റ്റ് റെയിൽ യാത്ര അറിയാം

ഹോട്ടലിൽ താമസിക്കാനായി മുറിയെടുക്കുന്നവർക്ക് സുഖകരമായിരിക്കാൻ വേണ്ടി മാത്രം ഹോട്ടലുടമകൾ സമയം ക്രമീകരിക്കാറില്ല എന്നത് മാത്രമല്ല കാരണം. ഇതിനുപിന്നിൽ ഒരു മികച്ച ബിസിനസ് തന്ത്രം കൂടിയുണ്ട്. ആളുകൾ സമയബോധമുള്ളവരല്ലെങ്കിൽ, അവർ ഹോട്ടലിന്റെ സൗകര്യങ്ങൾ കൂടുതൽ നേരം ഉപയോഗിക്കുമെന്നതാണ് തന്ത്രം. ഇത് ഹോട്ടൽ വ്യവസായത്തെ കൂടുതൽ ലാഭത്തിലെത്തിക്കാനും സഹായിക്കും.