ദക്ഷിണ റെയിൽവേയിൽ ഏറ്റവും അധികം വരുമാനമുള്ള ആദ്യ പത്ത് സ്റ്റേഷനുകളിൽ 3 എണ്ണം കേരളത്തിൽ

കഴിഞ്ഞ സാമ്പത്തിക വർഷം ഇന്ത്യൻ റെ​യി​ൽ​വേ​യു​​ടെ ആ​കെ വ​രു​മാ​ന​ത്തി​ൽ 25 ശ​ത​മാ​നം വ​ള​ർ​ച്ച നേടിയതായി കണക്കുകൾ. 2.40 ല​ക്ഷം കോ​ടി​യാ​ണ്​ 2022-23 സാ​മ്പ​ത്തി​ക വ​ർ​ഷത്തിലെ വരുമാനം. മു​ൻ വ​ർ​ഷ​ത്തേ​ക്കാ​ൾ 49,000 കോ​ടി രൂ​പയാണ് അധികം നേടിയിരിക്കുന്നത്.

ചര​ക്ക് വ​രു​മാ​ന​ത്തി​ലും കു​തി​പ്പാ​ണ്​ പോയ വർഷം റെയിൽവേക്ക് ഉണ്ടായത്. മു​ൻ​വ​ർ​ഷ​ത്തേ​ക്കാ​ൾ 15 ശതമാനം ഉ​യ​ർ​ന്ന് 1.62 ല​ക്ഷം കോ​ടി രൂ​പ​യാ​ണ് വ​രു​മാ​നം. യാ​ത്ര​ക്കാ​രു​ടെ വ​രു​മാ​നം ഉ​യ​ർ​ന്ന 61 ശ​ത​മാ​നം വള​ർ​ച്ച രേ​ഖ​പ്പെ​ടു​ത്തി 63,300 കോ​ടി രൂ​പ​യി​ലെ​ത്തി. 39,214 കോ​ടി രൂ​പ​യാ​ണ് യാ​ത്ര​ക്കാ​രി​ല്‍നി​ന്നു​ള്ള 2022-23 വ​ർ​ഷ​ത്തെ വ​രു​മാ​നം. 2022-23 ൽ ​റെ​യി​ൽ​വേ​യു​ടെ ആ​കെ ചെ​ല​വ് 2,37,375 കോ​ടി രൂ​പ​യാ​ണ്. ഇ​ള​വു​ക​ൾ വെട്ടി​ക്കു​റ​ച്ചും ഫ്ല​ക്സി നി​ര​ക്കി​ൽ ട്രെ​യി​നു​ക​ളോ​ടി​ച്ചു​മാ​ണ്​ റെ​യി​ൽ​വേ ഈ ​വ​രു​മാ​ന വ​ർ​ധ​ന നേ​ടി​യത്.

ദക്ഷിണ റെയിൽവേയുടെ കീഴിൽ വരുന്ന റെയിൽവേ സ്റ്റേഷനുകളുടെ വരുമാനക്കണക്കിൽ ആദ്യ പത്തിൽ കേരളത്തിൽ നിന്നും മൂന്ന് റെയിൽവേ സ്റ്റേഷനുകൾ ഇടം പിടിച്ചു. വ​രു​മാ​നത്തിൻ്റെ അടിസ്ഥാനത്തിൽ തി​രു​വ​ന​ന്ത​പു​ര​വും എ​റ​ണാ​കു​ളം സൗ​ത്തും കോ​ഴി​ക്കോ​ടുമാണ് ആദ്യ സ്ഥാനങ്ങളിൽ ഉൾപ്പെട്ടത്. പട്ടികയിൽ തി​രു​വ​ന​ന്ത​പു​രം നാ​ലാം സ്ഥാ​ന​ത്തും എ​റ​ണാ​കു​ളം അ​ഞ്ചാം സ്ഥാ​ന​ത്തും കോ​ഴി​ക്കോ​ട്​ ഒ​ൻപതാം സ്ഥാനത്തു​മാണുള്ളത്.

205.81 കോ​ടി​ രൂപയാ​ണ്​ തി​രു​വ​ന​ന്ത​പു​രം സ്​​റ്റേ​ഷ​ന്‍റെ 2022-23 വ​ർ​​ഷ​ത്തെ വ​രു​മാ​നം. 193.34 കോ​ടി രൂപയാണ് എറണാകുളം സ്റ്റേഷൻ്റെ വരുമാനം. കോ​ഴി​ക്കോ​ടി​ന്​ 148.90 കോ​ടി​യു​മാ​ണ് പോയവർഷം വരുമാനമായി ലഭിച്ചത്. 1085 കോ​ടി രൂപ വ​രു​മാ​നം നേ​ടി​യ ചെ​ന്നൈ സെ​ൻ​ട്ര​ലാ​ണ്​ ഒ​ന്നാ​മ​ത്. 525 കോ​ടി രൂപ വ​രു​മാ​ന​മു​ള്ള ചെ​ന്നൈ എ​ഗ്​​മോ​റാണ് തൊട്ടു പിന്നിൽ.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News