വയനാട് മാനന്തവാടി പഞ്ചാരക്കൊല്ലിയില് കടുവ ആക്രമണത്തിന്റെ പശ്ചാത്തലത്തില് വനം വകുപ്പ് തുടര്നടപടികള് സ്വീകരിച്ചതായി വനം മന്ത്രി എ.കെ. ശശീന്ദ്രന് അറിയിച്ചു.തലപ്പുഴ, വരയാല് ഫോറസ്റ്റ് സ്റ്റേഷനുകളിലെ ജീവനക്കാര് നിലവില് 12 ബോര് പമ്പ് ആക്ഷന് ഗണ് ഉപയോഗിച്ച് പഞ്ചാരക്കൊല്ലി പ്രദേശത്ത് പരിശോധന നടത്തുമെന്നും ഡോ. അരുണ് സക്കറിയയുടെ നേതൃത്വത്തിലുള്ള മൃഗഡോക്ടര്മാരുടെ സംഘത്തെ വയനാട്ടിലേക്ക് അയച്ചിട്ടുണ്ടെന്നും മന്ത്രി അറിയിച്ചു.
ചെതലത്ത് റേഞ്ചിന്റെ കീഴിലുള്ള ഇരുളം ഫോറസ്റ്റ് സ്റ്റേഷന്റെയും പുല്പ്പള്ളി ഫോറസ്റ്റ് സ്റ്റേഷന്റെയും കീഴിലുള്ള ജീവനക്കാരെയും പ്രദേശത്ത് പ്രത്യേകം നിയോഗിച്ചു.തെര്മല് ഡ്രോണുകളും സാധാരണ ഡ്രോണുകളും തെരച്ചില് പ്രവര്ത്തനങ്ങളില് ഉപയോഗിക്കാനായി കൊണ്ടുവരുന്നുണ്ട്.
ALSO READ; മരത്തിന്റെ ശിഖരം മുറിക്കുന്നതിനിടെ താഴേയ്ക്ക് വീണ് യുവാവ് മരിച്ചു, സംഭവം ബോഡിമെട്ടിന് സമീപം
മറ്റ് നിർദേശങ്ങൾ
- നോര്ത്ത് വയനാട് ഡിവിഷനില് നിന്നുള്ള ക്യാമറ ട്രാപ്പുകള് ഇതിനകം സ്ഥാപിച്ചിട്ടുണ്ട്. മുകളില് പറഞ്ഞവ കൂടാതെ, സൗത്ത് വയനാട് ഡിവിഷനില് നിന്നുള്ള ക്യാമറ ട്രാപ്പുകളും പ്രദേശത്ത് വിന്യസിക്കുന്നതിനായി കൊണ്ടുവരുന്നു.
- നോര്ത്ത് വയനാട് ഡിഎഫ്ഒ ശ്രീ.മാര്ട്ടിന് ലോവല് ഐഎഫ്എസിനെ ഓപ്പറേഷന് കമാന്ഡറായി ഇന്സിഡന്റ് കമാന്ഡ് രൂപീകരിച്ചു. നോര്ത്തേണ് സര്ക്കിള് സിസിഎഫ് ശ്രീമതി.കെ.എസ്.ദീപ ഐഎഫ്എസ് സ്ഥലത്ത് ക്യാമ്പ് ചെയ്യുകയും മുഴുവന് പ്രവര്ത്തനങ്ങളുടെയും മേല്നോട്ടം വഹിക്കുകയും ചെയ്തു വരുന്നു.
- പഞ്ചാരക്കൊല്ലി പ്രദേശത്ത് കടുവയെ പിടികൂടുന്നതിനുള്ള കൂടുകള് സ്ഥാപിച്ചു
- ഓപ്പറേഷന് സുഗമമായി നടത്തുന്നതിന് പ്രദേശത്ത് നിരോധനാജ്ഞ പ്രഖ്യാപിക്കാന് വയനാട് ജില്ലാ കളക്ടറോട് അഭ്യര്ത്ഥിച്ചിട്ടുണ്ട്.
- മുത്തങ്ങ ആന ക്യാമ്പില് നിന്നുള്ള കുങ്കിയാനകളെ തിരച്ചില് പ്രവര്ത്തനങ്ങളില് വിന്യസി
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
