മധ്യപ്രദേശിലെ വെള്ളക്കടുവ പ്രസവിച്ചു, 3 കുഞ്ഞുങ്ങൾ

മധ്യപ്രദേശിലെ ഗ്വാളിയോർ നഗരത്തിലെ മുനിസിപ്പൽ കോർപ്പറേഷന്റെ നിയന്ത്രണത്തിലുള്ള ഗാന്ധി മൃഗശാലയിൽ 10 വയസുള്ള വെള്ളക്കടുവ പ്രസവിച്ചു. വ്യാഴാഴ്ച 11.30 ഓടെയാണ് മീര എന്ന കടുവ 3 കുട്ടികൾക്ക് ജന്മം നൽകിയത്. ഇതില്‍ ഒരു കുഞ്ഞ് വെള്ളക്കടുവയും മറ്റ് രണ്ടെണ്ണം സാധാരണ  കടുവ കുഞ്ഞുങ്ങളുമാണ്. ഇതോടെ മൃഗശാലയിലുള്ള കടുവകളുടെ എണ്ണം 10 ആയി.

2013-ൽ സുവോളജിക്കൽ പാർക്കിലാണ് മീര ജനിച്ചതെന്നും ഇത് മൂന്നാമത്തെ പ്രസവമാണെന്നും മൃഗശാല ക്യൂറേറ്റർ ഡോ. ഗൗരവ് പരിഹാർ ഒരു ദേശീയ മാധ്യമത്തോട് പറഞ്ഞു. കേന്ദ്ര മൃഗശാല അധികൃതരുടെ നിര്‍ദ്ദേശമനുസരിച്ചുള്ള പ്രത്യേക പരിചരണമാണ് കടുവയ്ക്ക് നല്‍കുന്നത്.