ഗ്യാസ് സിലിണ്ടർ കൂടുതൽ ദിവസം ഉപയോഗിക്കാൻ ഈ വഴികൾ ശീലമാക്കൂ …

കുടുംബ ബജറ്റിനെ ഏറ്റവും കൂടുതൽ ബാധിക്കുന്ന ഒന്നാണ് ഇടയ്ക്കിടെയുള്ള പാചകവാതകത്തിന്റെ വിലവർദ്ധനവ്. ഇപ്പോൾ സിലിണ്ടറുകൾ ലഭിക്കാൻ കാലതാമസം നേരിടുന്ന സാഹചര്യത്തിൽ ഇന്ധനം പാഴാക്കാതെ ഉപയോഗിക്കുക എന്നത് വളരെ പ്രധാനമാണ്. അടുക്കളയിലെ ചില അശ്രദ്ധ മൂലം പാഴായിപ്പോകുന്ന ഇന്ധനം ലാഭിക്കാൻ സഹായിക്കുന്ന ലളിതമായ ചില മാർഗ്ഗങ്ങൾ നോക്കിയാലോ ….

പാത്രങ്ങൾ തുടച്ച് ഉപയോഗിക്കുക

കഴുകിയ ഉടനെ പാത്രങ്ങൾ അടുപ്പത്ത് വെക്കുന്ന ശീലം ഒഴിവാക്കുക. പാത്രത്തിലെ വെള്ളം വറ്റിച്ചെടുക്കാൻ വേണ്ടി മാത്രം ധാരാളം ഗ്യാസ് നഷ്ടപ്പെടുന്നുണ്ട്. പാചകത്തിന് മുൻപ് പാത്രങ്ങൾ ഉണങ്ങിയ തുണി കൊണ്ട് നന്നായി തുടയ്ക്കുന്നത് ഇത്തരത്തിലുള്ള ഗ്യാസിന്റെ നഷ്ട്ടം തടയാൻ സഹായിക്കും.

ഫ്ലെയിമിന്റെ അളവ് ക്രമീകരിക്കുക

ഹൈ ഫ്ലെയിമിൽ വെച്ചാൽ ഭക്ഷണം വേഗം വേവില്ല, പകരം ഇന്ധനം പാഴാവുകയാണ് ചെയ്യുക. പാത്രത്തിന്റെ അടിഭാഗത്ത് മാത്രം തീ തട്ടുന്ന രീതിയിൽ ഫ്ലെയിം ലോ അല്ലെങ്കിൽ മീഡിയം സെറ്റിങ്ങിൽ നിലനിർത്തുക.

ALSO READ : മുറിച്ച സവാള ഫ്രിഡ്ജില്‍ വയ്ക്കുന്നത് അപകടമോ? സൂക്ഷിക്കേണ്ടത് എങ്ങനെ?

മൂടിവെച്ച് പാകം ചെയ്യുക

പാത്രങ്ങൾ തുറന്നുവെച്ച് പാചകം ചെയ്യുന്നത് ചൂട് പുറത്തുപോകാറാൻ കാരണമാകും. പാത്രം മൂടിവെച്ചാൽ ഉള്ളിലെ നീരാവി ഉപയോഗിച്ച് ഭക്ഷണം വേഗത്തിൽ വേവുകയും ഇത് വഴി ഗ്യാസ് ലാഭിക്കാനും സാധിക്കും.

പാചകം ചെയ്യാനായി കുക്കർ ഉപയോഗിക്കാം

സാധാരണ പാത്രങ്ങളെ അപേക്ഷിച്ച് പ്രഷർ കുക്കർ ഉപയോഗിക്കുന്നത് പാചക സമയം ഗണ്യമായി കുറയ്ക്കും. പരിപ്പും ഇറച്ചിയും വൻപയറുമൊക്കെ കുക്കറിൽ വേവിക്കുന്നത് വലിയ അളവിൽ ഗ്യാസ് ലാഭിക്കാൻ സഹായിക്കും.

കുതിർത്ത് വച്ച് ഉപയോഗിക്കാൻ കഴിയുന്നവ അങ്ങനെ ഉപയോഗിക്കുക

പയർ വർഗ്ഗങ്ങളും അരിയും പാചകം ചെയ്യുന്നതിന് മുൻപ് കുറച്ചുനേരം വെള്ളത്തിൽ കുതിർത്ത് വെക്കുക. ഇത് അവയുടെ കാഠിന്യം കുറയ്ക്കുകയും പകുതി സമയം കൊണ്ട് വെന്ത് കിട്ടാൻ സഹായിക്കുകയും ചെയ്യും.

ALSO READ : കറിവേപ്പിലയിലെ ‘വിഷം’ കളയാൻ ഈ വിദ്യകൾ അറിയാമോ? ആരോഗ്യകരമായ അടുക്കളയ്ക്കായി ഈ ടിപ്പുകൾ അറിയാതെ പോവല്ലേ..

തണുത്ത സാധനങ്ങൾ നേരിട്ട് അടുപ്പിൽ വയ്ക്കരുത്

ഫ്രിഡ്ജിൽനിന്നും എടുക്കുന്ന പാലും മറ്റു ഭക്ഷണ സാധങ്ങളും ഉടനെ അടുപ്പത്ത് വെക്കരുത്. അവ പുറത്തെടുത്ത് വെച്ച് സാധാരണ ഊഷ്മാവിൽ എത്തിയ ശേഷം മാത്രം ചൂടാക്കിയാൽ ഇന്ധന നഷ്ടം കുറയ്ക്കാം.

ബർണറുകൾ വൃത്തിയായി സൂക്ഷിക്കുക

സ്റ്റൗവിലെ തീ നീല നിറത്തിലല്ല കത്തുന്നതെങ്കിൽ ബർണറിൽ അഴുക്കുണ്ടെന്ന് ഉറപ്പിക്കാം. ആഴ്ചയിലൊരിക്കൽ ബർണറുകൾ വൃത്തിയാക്കുന്നത് തീ നന്നായി കത്താനും ഗ്യാസ് പാഴാകാതിരിക്കാനും സഹായിക്കും. ചെറിയ പാത്രങ്ങൾ വലിയ ബർണറിൽ വെച്ച് ചൂടാക്കുമ്പോൾ വശങ്ങളിലൂടെ തീ വെറുതെ പാഴാകുന്നു. പാത്രത്തിന്റെ വലിപ്പത്തിന് അനുയോജ്യമായ ബർണറുകൾ മാത്രം തിരഞ്ഞെടുക്കുക.