സംസ്ഥാനത്ത് സ്വര്‍ണവിലയില്‍ ഇന്ന് മാറ്റമില്ല. ഞായറാ‍ഴ്ച ആയതിനാല്‍ ശനിയാ‍ഴ്ചത്തെ വിലനിലവാരം തന്നെയാണ് സ്വര്‍ണത്തിന്. ഇന്നലെ സ്വര്‍ണ വില ഇടിഞ്ഞിരുന്നു. 66,480 രൂപയാണ് ഒരു പവന് സ്വര്‍ണത്തിന്റെ വില. ഈ മാസത്തെ ഏറ്റവും താഴ്ന്ന നിരക്കാണിത്. പവന് 720 രൂപയാണ് ഇന്നലെ കുറഞ്ഞ്. 90 രൂപ ഇടിഞ്ഞ് ഒരു ഗ്രാം സ്വര്‍ണത്തിന്റെ വില 8,310 രൂപയാണ്. വെള്ളിയാ‍ഴ്ച ഒരു പവന് സ്വര്‍ണത്തിന് 67,200 രൂപയും ഒരു ഗ്രാം സ്വര്‍ണത്തിന് 8,400 രൂപയുമായിരുന്നു വില.
ട്രംപിന്റെ താരിഫ് പ്രഖ്യാപനങ്ങളുടെ ആഘാതത്തിലാണ് സ്വര്‍ണ വില താഴേക്ക് പോകുന്നത് തുടരുന്നത്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില്‍ പ്രതിഫലിക്കുന്നത്. ജനുവരി 22നാണ് പവന് വില ചരിത്രത്തില്‍ ആദ്യമായി അറുപതിനായിരം കടന്നത്. ദിവസങ്ങള്‍ക്കകം 64,000 കടന്ന് സ്വര്‍ണവില കുതിക്കുന്നതാണ് പിന്നീട് കണ്ടത്.
സ്വര്‍ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്‍ണം ഇറക്കുമതി ചെയ്യുന്ന ബാങ്കുകളുടെ നിരക്ക് (bank rate), കസ്റ്റംസ് ഡ്യൂട്ടി എന്നി എന്നിവയാണ് സ്വര്‍ണത്തിന്റെ വില നിര്‍ണയിക്കുന്നതിന്റെ അടിസ്ഥാന ഘടകങ്ങള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
