നടി സാമന്ത റൂത്ത് പ്രഭു ത്രലാല മൂവിംഗ് പിക്‌ചേഴ്‌സിന്റെ സമാരംഭത്തോടെ നിർമ്മാണത്തിലേക്കുള്ള പ്രവേശനം പ്രഖ്യാപിച്ചു. ഇൻസ്റ്റഗ്രാമിലൂടെ സാമന്ത ഇങ്ങനെ കുറിച്ചു. “എന്റെ പ്രൊഡക്ഷൻ ഹൗസായ ത്രാലല മൂവിംഗ് പിക്‌ചേഴ്‌സ് @tralalamovingpictures, പ്രഖ്യാപിക്കുന്നതിൽ ആവേശമുണ്ട്.
ALSO READ: മോഹന്‍ യാദവ് മധ്യപ്രദേശ് മുഖ്യമന്ത്രി; ശിവരാജ് യുഗം അവസാനിച്ചു
തന്റെ പ്രൊഡക്ഷൻ ഹൗസിന്റെ ലക്ഷ്യം പുതിയ കാലത്തെ ആവിഷ്‌കാരത്തിന്റെയും ചിന്തയുടെയും ഉള്ളടക്കം പ്രതിനിധീകരിക്കുക എന്നതാണ് എന്നും സാമന്ത പറഞ്ഞു.
“നമ്മുടെ സാമൂഹിക ഘടനയുടെ കരുത്തും സങ്കീർണ്ണതയും സംസാരിക്കുന്ന കഥകളെ ക്ഷണിക്കുകയും പ്രോത്സാഹിപ്പിക്കുകയും പരിപോഷിപ്പിക്കുകയും ചെയ്യുന്ന ഇടം. ഒപ്പം അർത്ഥവത്തായതും ആധികാരികവും സാർവത്രികവുമായ കഥകൾ പറയാനുള്ള ചലച്ചിത്ര പ്രവർത്തകർക്കുള്ള ഒരു വേദി.” ഇങ്ങനെ സാമന്ത ഇൻസ്റ്റാഗ്രാമിൽ കുറിച്ചു.
നിർമ്മാണ സംരംഭത്തിനായി താരം ഹൈദരാബാദ് ആസ്ഥാനമായുള്ള വിനോദ കമ്പനിയായ മണ്ടോവ മീഡിയ വർക്ക്‌സുമായി സഹകരിച്ചിട്ടുണ്ട്.
“വിനോദത്തിന്റെയും ഷോബിസിന്റെയും ലോകത്ത് ഇത്രയധികം അനുഭവപരിചയമുള്ള ഒരാളുമായി പങ്കാളി ആയതിൽ ഞങ്ങൾ ആവേശത്തിലാണ്. സിനിമ, വെബ്, ടിവി, ഫിക്ഷനും നോൺ ഫിക്ഷനുമുള്ള വിവിധ ഫോർമാറ്റുകൾ എന്നിവയെ ചുറ്റിപ്പറ്റിയുള്ള ഉള്ളടക്കം ഞങ്ങൾ പരിശോധിക്കും,” മണ്ടോവ മീഡിയ വർക്ക്സിന്റെ പങ്കാളിയും സ്ഥാപകനുമായ ഹിമാങ്ക് ദുവുരു പറഞ്ഞു.
ALSO READ: കെഎസ്‌ആർടിസിക്ക്‌ സംസ്ഥാന സർക്കാർ സഹായമായി 30 കോടി അനുവദിച്ചു
പുതിയതും അതുല്യവും വിനോദപ്രദവുമായ ആശയങ്ങൾ മുന്നോട്ട് കൊണ്ടുവരാൻ കഴിയുന്ന പുതിയ തുടക്കത്തെക്കുറിച്ച് ആവേശഭരിതരാക്കുന്നുണ്ടെന്നും ചലച്ചിത്രനിർമാണത്തിന് എല്ലാവരെയും ഉൾക്കൊള്ളുന്നതും കാര്യക്ഷമവുമായ സമീപനം കൊണ്ടുവരാൻ മണ്ടോവ മീഡിയ വർക്ക്സും സാമന്തയുടെ പ്രൊഡക്ഷൻ കമ്പനിയും ശ്രമിക്കുമെന്നും സാമന്ത കൂട്ടിച്ചേർത്തു.
ഏറ്റവും ഒടുവിൽ സാമന്ത അഭിനയിച്ചത് വിജയ് ദേവരകൊണ്ടയ്‌ക്കൊപ്പം തെലുങ്ക് ചിത്രമായ “ഖുഷി”യിലാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
