ഹോട്ടൽ മുറിയിൽ കയറിയാലുടൻ വീഡിയോ എടുക്കാറുണ്ടോ? ഇല്ലെങ്കിൽ ഇനി ശ്രദ്ധിക്കുക; പോക്കറ്റ് കീറാതിരിക്കാൻ ഈ കാര്യങ്ങൾ നിർബന്ധം!

വിനോദയാത്രകൾക്കിടയിലോ ഔദ്യോഗിക ആവശ്യങ്ങൾക്കോ ഹോട്ടലുകളിൽ താമസിക്കുമ്പോൾ അപ്രതീക്ഷിതമായ ചാർജുകളും തർക്കങ്ങളും ഒഴിവാക്കാൻ യാത്രക്കാർ ചില മുൻകരുതലുകൾ സ്വീകരിക്കണം . നിങ്ങൾ വരുത്താത്ത നാശനഷ്ടങ്ങൾക്കും ഉപയോഗിക്കാത്ത സേവനങ്ങൾക്കും പണം നൽകേണ്ടി വരുന്നത് ഒഴിവാക്കാൻ മുറിയിൽ പ്രവേശിച്ചാലുടൻ ഡിജിറ്റൽ തെളിവുകൾ ശേഖരിക്കുകയാണ് ഏക പോംവഴി

മുറിയിൽ പ്രവേശിച്ചാലുടൻ അവിടുത്തെ ഫോട്ടോകളും വീഡിയോകളും മൊബൈൽ ഫോണിൽ പകർത്തി സൂക്ഷിക്കുന്നത് ഭാവിയിൽ ഗുണം ചെയ്യും. നിങ്ങൾ വരുത്താത്ത നാശനഷ്ടങ്ങൾക്കോ, ഉപയോഗിക്കാത്ത മിനിബാർ സേവനങ്ങൾക്കോ പണം നൽകേണ്ടി വരുന്ന സാഹചര്യം ഒഴിവാക്കാൻ ഈ ഡിജിറ്റൽ തെളിവുകൾ സഹായിക്കും. എഡിറ്റിംഗോ ഫിൽറ്ററോ ഇല്ലാത്ത റോ ഫയലുകൾപകർത്തുന്നതിനൊപ്പം അവ ക്ലൗഡ് സ്റ്റോറേജിലേക്ക് അപ്‌ലോഡ് ചെയ്യുന്നത് ഫോൺ നഷ്ടപ്പെട്ടാലും ദൃശ്യങ്ങൾ സുരക്ഷിതമായിരിക്കാൻ ഉപകരിക്കും.

ALSO READ: വിമാന ടിക്കറ്റ് നിരക്ക് വർധനവിനെതിരെ പാർലമെന്റിൽ ആഞ്ഞടിച്ച് ഡോ. ജോൺ ബ്രിട്ടാസ് എംപി

മുറിയിൽ പ്രവേശിക്കുമ്പോൾ തന്നെ ബാത്ത്റൂം, മിനിബാർ, വാർഡ്രോബുകൾ എന്നിവ തുറന്ന് അവയുടെ ദൃശ്യങ്ങൾ വീഡിയോയിൽ ഉൾപ്പെടുത്തണം. സ്മോക്ക് ഡിറ്റക്ടറുകൾ, സ്പ്രിംഗ്ലറുകൾ, ജനാലകളുടെ പൂട്ടുകൾ എന്നിവ പരിശോധിക്കുന്നതിനൊപ്പം ടവലുകളുടെയും ബാത്ത്റോബുകളുടെയും എണ്ണം കൃത്യമാണെന്ന് ഉറപ്പുവരുത്തി ഫോട്ടോ എടുക്കേണ്ടതുമാണ്.

മുറിയിലെ ഷെൽഫ് ശൂന്യമാണെന്ന് വീഡിയോയിലൂടെ തെളിയിക്കുന്നത് പിന്നീട് സാധനങ്ങൾ കാണാതാകുന്നത് സംബന്ധിച്ച പരാതികൾ ഒഴിവാക്കാൻ സഹായിക്കും. എന്തെങ്കിലും സാധനങ്ങൾ പൊട്ടിയതോ കേടുപാടുള്ളതോ ആയി ശ്രദ്ധയിൽപ്പെട്ടാൽ അത് ഉടൻ തന്നെ ദൃശ്യങ്ങൾ പകർത്തി ഹോട്ടൽ അധികൃതരുടെ ശ്രദ്ധയിൽപ്പെടുത്തുകയും വേണം.

ALSO READ : ഒരൊറ്റ ശനിയാഴ്ച അവധിയെടുത്താൽ മതി; മൂന്ന് ദിവസത്തെ കിടിലൻ ട്രിപ്പ് റെഡി!

താമസം കഴിഞ്ഞ് മുറി ഒഴിയുന്നതിന് തൊട്ടുമുൻപും സമാനമായ രീതിയിൽ ദൃശ്യങ്ങൾ പകർത്തി സൂക്ഷിക്കേണ്ടത് അത്യാവശ്യമാണ്. മുറി കൃത്യമായ അവസ്ഥയിലാണ് തിരികെ നൽകുന്നതെന്ന് ബോധ്യപ്പെടുത്താൻ ഈ ദൃശ്യങ്ങൾ ഉപകരിക്കും.