ഇപ്പോള് സോഷ്യല്മീഡിയയില് വൈറലാകുന്നത് കര്ണാടകയിലെ ബന്ദിപ്പുര് കടുവാ സങ്കേതത്തില് കാട്ടാനയ്ക്ക് മുന്നില്നിന്ന് സെല്ഫിയെടുക്കാന് ശ്രമിച്ചയാളെ ആന ആക്രമിക്കുന്ന ഒരു വീഡിയോ ആണ്.
ഊട്ടിയില്നിന്ന് മൈസൂരുവിലേക്കുള്ള ദേശീയ പാതയ്ക്കടുത്ത് ആന കാരറ്റ് കഴിച്ചുകൊണ്ട് നിന്നപ്പോള് യുവാവ് സെല്ഫി എടുക്കാന് ശ്രമിക്കുന്നതിനിടെയായിരുന്നു ആക്രമണം. വാഹനം നിര്ത്തി കാട്ടാനയുടെ അടുത്തേക്ക് സെല്ഫിയെടുക്കാന് പോയതായിരുന്നു യുവാവ്. സെല്ഫി എടുക്കുന്നതിനടെ ആന പ്രകോപിതനാകുന്നതും ഇയാള്ക്കു പിന്നാലെ ഓടുന്നതും വീഡിയോയിലുണ്ട്.
ഓടുന്നതിനിടെ യുവാവ് റോഡില് വീഴുകയും പിന്നാലെയെത്തിയ ആന ഇയാളെ ചവിട്ടുകയും ചെയ്യുന്നു. പരുക്കേറ്റ യുവാവിനെ ഉടന് ആശുപത്രിയില് പ്രവേശിപ്പിച്ചു. വാഹനം നിര്ത്തുന്നതിന് കര്ശന നിരോധനമുള്ള മേഖലയില് നിരവധി പേര് റോഡില് ഇറങ്ങുന്നതും നിരവധി വാഹനങ്ങളും ഇവിടെ നിര്ത്തിയിരിക്കുന്നതും സോഷ്യല്മീഡിയയില് വൈറലാകുന്ന വീഡിയോയിലുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
