ചിക്കന്‍ ഫ്രൈ പലരുടെയും ഫേവറിറ്റാണ്… ചിക്കനില്ലാത്ത ഒരു ദിവസത്തേ കുറിച്ച് ചിന്തിക്കാന്‍ കഴിയാത്തവര്‍ക്ക്. ചിക്കന്‍ ഫ്രൈ അധികമായാല്‍ ഫ്രിഡ്ജില്‍ വച്ച് തണുപ്പിച്ചെടുക്കാതെ എങ്ങനെ കേടുകൂടാതെ വീണ്ടും ഉപയോഗിക്കാമെന്ന് പറഞ്ഞ് തരാം. ബാക്കി വന്നത് നാടന്‍ ചിക്കന്‍ ഫ്രൈയായലും കെഎഫ്‌സിയായാലും ഇനി കൊറിയന്‍ ആയാലും ഈ വഴികളൊന്ന് പരീക്ഷിച്ച് നോക്കിയാലോ… ലോ…?
ഫ്രിജില്‍ സൂക്ഷിച്ച് അടുത്ത തവണ ചൂടാക്കി കഴിക്കുന്ന ട്രെന്‍ഡിന് വിട നല്‍കി, പുത്തന്‍ പരീക്ഷണങ്ങള്‍ പഠിക്കാം. ഫ്രിഡ്ജില്‍ വച്ചിട്ട് വീണ്ടും ചൂടാക്കി എടുക്കുമ്പോള്‍ ക്രിപ്‌സിയായ ഫ്രൈ റബര്‍ പോലെയാകുന്ന പരാതിക്ക് ബൈബൈ… ആദ്യം ഒരു കാര്യം ഓര്‍മിപ്പിക്കാം.. ചിക്കന്‍ ഒരുപാട് നേരം ചൂടാക്കി ചളമാക്കരുത്. പകരം ചിക്കന്റെ വലിപ്പവും കനവും നോക്കിവേണം ചൂടാക്കാനുള്ള സമയം നിശ്ചയിക്കാന്‍, മാത്രമല്ല ചൂടാക്കുന്നതിന് മുമ്പ് വീണ്ടും മുറിക്കാനും നില്‍ക്കരുത്.. ക്രിപ്‌സിനെസ് മസ്റ്റാണെങ്കില്‍.., പിന്നെ ശ്രദ്ധിക്കേണ്ടത് ഫ്രിഡ്ജില്‍ സൂക്ഷിച്ച ഫ്രൈയാണെങ്കില്‍ അത് വീണ്ടും ചൂടാക്കുന്നതിന് മുമ്പേ പുറത്ത് വയ്ക്കണമെന്നതാണ്…
ALSO READ: ഇലക്ട്രിക്ക് വാഹനങ്ങൾക്ക് പെട്രോൾ വാഹനങ്ങളെ അപേക്ഷിച്ച് വില കുറവോ? പഠന റിപ്പോർട്ട് പുറത്ത്
ഇനി കാര്യത്തിലേക്ക് കടക്കാം.. എല്ലാവരുടെയും വീട്ടില്‍ എയര്‍ഫ്രൈയറും ഓവനും ഒന്നും കാണണമെന്നില്ല, ഇനി ഹോസ്റ്റലിലൊക്കെ കഴിയുന്നവരാണെങ്കിലും സമാനസ്ഥിതി ഉണ്ടാകും. എന്നാല്‍ വായിക്ക് രുചിയായി നല്ല ഫ്രൈ തന്നെ കഴിക്കണമെന്നുണ്ടെങ്കില്‍ ഒന്നു മിനക്കെടാം. ആ ചീന ചട്ടിയെടുക്കുക ചിക്കന്‍ വീണ്ടും ഫ്രൈ ചെയ്യാം. ഒരു ടേബിള്‍സ്പൂണ്‍ എണ്ണയെടുത്ത് ചൂടാക്കി ചിക്കനിതിലേക്കിടുക, രണ്ട് മൂന്ന് മിനിറ്റ് ഓരോ ഭാഗവും വേവിക്കാം. ക്രിപ്‌സിയാകുന്ന വരെ ഇത് തുടരാം.. ഇതൊരു വഴി, അടുത്തത് എയര്‍ഫ്രൈയറോ ഓവനോ ഉപയോഗിക്കുക എന്നതാണ്.
ഏകദേശം 190 ഡിഗ്രി സെല്‍ഷ്യസില്‍ പ്രീഹീറ്റ് ചെയ്ത എയര്‍ഫ്രൈയറിലെ ബാസ്‌കറ്റില്‍ ഒരുപാട് തിങ്ങിനിറയ്ക്കാതെ, ഒന്നിനൊന്ന് മുട്ടാതെ ചിക്കന്‍ വെക്കുക. ക്രിപ്‌സിനെസ് ആവുന്നത് വരെ ചൂടാക്കാം, വേണമെങ്കിലൊന്ന് മറിച്ചിട്ടോ… നല്ല രുചിയുള്ള ഫ്രൈ മുന്നില്‍.. ഇതേ ചൂടിലുള്ള ഓവനിലെ റാക്കില്‍ അലുമിനിയം ഫോയില്‍ വെച്ച് അതിനുമുകളില്‍ ചിക്കന്‍ കഷ്ണങ്ങള്‍ വെക്കുക. 15 മിനിറ്റ് ചൂടാക്കുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
