ആദേശ് പ്രസാദ് സംവിധാനം ചെയ്യുന്ന ‘തുംബാദ് 2’ൻ്റെ റിലീസ് തീയതി പുറത്തുവിട്ട് അണിയറപ്രവർത്തകർ. നവാസുദ്ദീൻ സിദ്ദിഖി ചിത്രത്തിൻ്റെ രണ്ടാം ഭാഗത്തിൽ പ്രധാന കഥാപാത്രമായി വരുന്നുണ്ട്. ഇതിന് പിന്നാലെയാണ് രണ്ടാം ഭാഗത്തിൻ്റെ തീയതി അണിയറ പ്രവർത്തകർ പുറത്തുവിട്ടത്. സമൂഹമാധ്യമമായ ഇൻസ്റ്റാഗ്രാമിലൂടെയാണ് തീയതി പുറത്തുവിട്ടത്.
നടനും നിർമ്മാതാവുമായ സോഹം ഷാ തീയതി പുറത്തുവിട്ടു കൊണ്ട് ഇങ്ങനെ എഴുതി. “ഒരു പാപഭരിതമായ ഭൂതകാലം, ഒരു ഭീഷണിയുയർത്തുന്ന ഭാവി.
വിശപ്പ് വീണ്ടും ഉയരുന്നു… ലോഭത്തിനായുള്ള ആർത്തി കൂടുന്നു.
തീയതി കുറിച്ച് വെക്കൂ, തുംബാദ് ഡിസംബറിലെത്തും”.
ALSO READ: നാലാം ക്ലാസുകാരൻ്റെ മൂന്നാം വരവ്; ദൃശ്യം 3 ടീസർ പുറത്ത്
ഡിസംബർ 3, 2027ന് ആണ് ചിത്രം തീയേറ്ററുകളിലെത്തുക. ചിത്രത്തിൻ്റെ രണ്ടാം ഭാഗം നിർമിക്കുന്നത് ഒന്നാം ഭാഗത്തിലെ നായകനായ സോഹം ഷായാണ്. രാഹി അനിൽ ബർവേ സംവിധാനം ചെയ്ത ചിത്രത്തിൻ്റെ ഒന്നാം ഭാഗം ഇപ്പോഴും സിനിമാ പ്രേമികള് വീണ്ടും വീണ്ടും കാണുന്ന ഒന്നാണ്. 2018ൽ പുറത്തിറങ്ങിയ ചിത്രം 2024ൽ റീ റിലീസ് ചെയ്തിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
