വിദേശ സർവകലാശാലകളുടെ ഇന്ത്യയിലെ ക്യാംപസ്:യു.ജി.സി രജിസ്‌ട്രേഷൻ പോർട്ടൽ തുറന്നു

ഇന്ത്യയിൽ വിദേശ സർവകലാശാലകൾക്ക് ക്യാംപസ് തുറക്കാനുള്ള അന്തിമ മാനദണ്ഡങ്ങൾ വിജ്ഞാപനം ചെയ്തതിന് പിന്നാലെ രജിസ്‌ട്രേഷൻ പോർട്ടൽ തുറന്ന് യൂണിവേഴ്‌സിറ്റി ഗ്രാന്റ്‌സ് കമ്മിഷൻ. വിദേശ സർവകലാശാലകൾക്ക് fhei.ugc.ac.in വഴി രജിസ്റ്റർ ചെയ്യാം. അപേക്ഷകൾ പരിശോധിക്കുക യു.ജി.സി. രൂപവത്കരിച്ച സമിതി ആയിരിക്കും.

Also read:യുവമോര്‍ച്ച നേതാവ് യൂത്ത് കോണ്‍ഗ്രസ് ഭാരവാഹി; പരക്കെ തര്‍ക്കം

സർവകലാശാലയുടെ പ്രവർത്തനം, വിശ്വാസ്യത, കോഴ്‌സുകൾ എന്നിവയാകും സമിതി പരിശോധിക്കുക. വിശദമായ പരിശോധനയ്ക്ക് ശേഷം അറുപതുദിവസത്തിനുള്ളിൽ കമ്മീഷന് മുൻപാകെ സമർപ്പിക്കും. യു.ജി.സി.യുടെ അംഗീകാരം ലഭിച്ചാൽ രണ്ടുവർഷത്തിനുള്ളിൽ വിദേശ സർവകലാശാലകൾക്ക് ക്യാംപസ് ഇന്ത്യയിൽ തുറക്കാം.

Also read:എഐക്കിഷ്ടം വെള്ളക്കാരെ; വെള്ളക്കാരുടെ രൂപസാദൃശ്യം മനസിലാക്കി പഠനം

വിദേശസർവകലാശാലയ്ക്ക് കോഴ്‌സ് ഫീസ്, നിയമനങ്ങൾ, ശമ്പളം തുടങ്ങിയവ തീരുമാനിക്കാം. വിദേശത്തുനിന്നുള്ള അധ്യാപകർ കുറഞ്ഞത് ഇന്ത്യയിൽ ഒരു സെമസ്റ്ററെങ്കിലും താമസിച്ചിരിക്കണം. ഓൺലൈൻ, വിദൂര ക്ലാസുകൾ അനുവദിക്കില്ല. രാജ്യാന്തര റാങ്കിങ്ങിൽ ആദ്യ 500-ൽ എങ്കിലും ഉൾപ്പെട്ട സ്ഥാപനങ്ങൾക്കാണ് ക്യാംപസ് ആരംഭിക്കാൻ അനുമതി ലഭിക്കുക.