ഉന്നത വിദ്യാഭ്യാസ രംഗത്ത് മികച്ച നിലവാരം പുലര്‍ത്തുന്നതിന് അന്താരാഷ്ട്രതല പുരസ്കാരം, തലയെടുപ്പോടെ കേരള സര്‍വകലാശാല

ഉന്നത വിദ്യാഭ്യാസ സ്ഥാപനങ്ങളുടെ നിലവാരം  അളക്കുന്നതിനുള്ള ആഗോള റാങ്കിംഗ് സംവിധാനം  QS (Quacquarelli Symonds) Ranking ന്‍റെ World University Rankings Asia 2025 ൽ കേരള സർവകലാശാലക്ക് മികച്ച നേട്ടം. ഏഷ്യയിലെ മികച്ച വിദ്യാഭ്യാസ നിലവാരമുള്ള സര്‍വകലാശാലകളില്‍ 339 -ാമത് സ്ഥാനമാണ് കേരള സര്‍വകലാശാല നേടിയത്.  World University Rankings Southern Asia യിൽ 88-ാമത് സ്ഥാനവും കേരള സര്‍വകലാശാല നേടി. സർവകലാശാലകളുടെ അക്കാദമിക നിലവാരം, ഗവേഷണ നിലവാരം, വിദ്യാർത്ഥി – അധ്യാപക അനുപാതം, ജോലി സാധ്യത, അന്താരാഷ്ട്ര നിലവാരമുള്ള അധ്യാപകരുടെ ലഭ്യത തുടങ്ങിയ പല മാനദണ്ഡങ്ങൾ പ്രകാരമാണ് QS റാങ്ക് നൽകുന്നത്.

ALSO READ: ആരോഗ്യ വകുപ്പിന് കീഴിൽ ഇതാദ്യം, ജനറൽ ആശുപത്രിയിൽ കോർണിയ ട്രാൻസ്പ്ലാന്റേഷൻ യൂണിറ്റ്: മന്ത്രി വീണാ ജോര്‍ജ്

സമീപ വർഷങ്ങളിൽ NAAC, NIRF തുടങ്ങിയ ദേശീയ തലത്തിലെ അക്കാദമിക ഗുണനിലവാര സൂചികകളിലും റാങ്കിങിലും കേരള സർവകലാശാല കൈവരിച്ച മികച്ച നേട്ടങ്ങളുടെ പിൻതുടർച്ചയാണ് QS ലെ മികച്ച പ്രകടനം. വിദ്യാർഥികള്‍ക്കും ഗവേഷകർക്കും ആഗോളതലത്തിൽ  ലോകോത്തര ഗവേഷണ-വിദ്യാഭ്യാസ സ്ഥാപനങ്ങൾ തിരഞ്ഞെടുക്കാനുള്ള സുപ്രധാന സൂചികകളിൽ ഒന്നാണ് QS റാങ്കിങ്.