വൈഭവ് സൂര്യവംശിയുടെ സെഞ്ച്വറി പാഴായി; ഐപിഎല്ലിൽ രാജസ്ഥാനെ കീഴടക്കി ഹൈദരാബാദ്

ഐപിഎല്ലിൽ രാജസ്ഥാൻ റോയൽസിനെ സ്വന്തം ഗ്രൗണ്ടിൽ തകർത്ത് സൺറൈസേഴ്‌സ് ഹൈദരാബാദ്. സവായ് മാൻസിംഗ് സ്റ്റേഡിയത്തിൽ ടോസ് നഷ്ടപ്പെട്ടു ആദ്യം ബാറ്റ് ചെയ്ത രാജസ്ഥാൻ റോയൽസ് 20 ഓവറിൽ 6 വിക്കറ്റ് നഷ്ടത്തിൽ 228 റൺസ് നേടി. എന്നാൽ 229 റൺസ് വിജയലക്ഷ്യം പിന്തുടർന്ന ഹൈദരാബാദ് 18.3 ഓവറിൽ 5 വിക്കറ്റ് നഷ്ടത്തിൽ ലക്ഷ്യം കൈവരിച്ചു.

Also Read: രാഹുലിന്റെ പോരാട്ടം വിഫലമായി; ഐപിഎല്ലിൽ ഡൽഹിയെ ആറു വിക്കറ്റിന് തകർത്ത് പഞ്ചാബ്

വൈഭവ് സൂര്യവംശിയുടെ തകർപ്പൻ പ്രകടനമാണ് രാജസ്ഥാന് കരുത്തായത്. 37 പന്തിൽ 103 റൺസ് നേടിയ വൈഭവ് 12 സിക്‌സുകളും 5 ഫോറുകളും അടിച്ചു. ധ്രുവ് ജൂറെൽ 51 റൺസുമായി മികച്ച പിന്തുണ നൽകി. മറുപടി ബാറ്റിങ്ങിനിറങ്ങിയ ഹൈദരാബാദിനായി ഇഷാൻ കിഷൻ 31 പന്തിൽ 74 റൺസ് നേടി തകർപ്പൻ പ്രകടനം കാഴ്ചവെച്ചു. അഭിഷേക് ശർമ്മ 29 പന്തിൽ 57 റൺസുമായി മികച്ച പിന്തുണ നൽകി. രാജസ്ഥാനായി ജോഫ്ര ആർച്ചർ 2 വിക്കറ്റ് നേടി എങ്കിലും വിജയത്തിന് അത് പോരായിരുന്നു.