അൻവറിനു മുന്നിൽ വാതിൽ അടച്ചെന്ന് വി ഡി സതീശൻ. അൻവർ ഉണ്ടെങ്കിൽ എന്ന് ഇനി ആരും പറയില്ല എന്നും പ്രതിപക്ഷ നേതാവ് പറഞ്ഞു. യുഡിഎഫ് അൻവറിന് മുന്നിൽ വാതിൽ അടച്ചു എന്നും പറഞ്ഞവർ അത് മാറ്റി പറഞ്ഞുവെന്നും അദ്ദേഹം കൂട്ടിച്ചേർത്തു. യുഡിഎഫിന്റെ മുൻഗണനയിൽ ഇപ്പോൾ അൻവർ വിഷയമില്ലെന്നും അദ്ദേഹം പറഞ്ഞു.
എന്നാൽ അൻവറിനെ അവഗണിക്കരുതെന്നാണ് മുൻ കെപിസിസി പ്രസിഡന്റ് കെ സുധാകരന്റെ അഭിപ്രായം. അൻവർ വിഷയം രാഷ്ട്രീയ കാര്യ സമിതിയിൽ ചർച്ച ചെയ്യും എന്നാണ് അറിയിച്ചിരുന്നത്. സമവായം വേണമെന്ന് ആവശ്യവുമാണ് ലീഗിനും ഉണ്ടായിരുന്നത്. തെരഞ്ഞെടുപ്പിൽ അൻവർ ഫാക്ടർ ഉണ്ടായെന്നായിരുന്നു കെപിസിസി പ്രസിഡന്റ് സണ്ണി ജോസഫും പറഞ്ഞിരുന്നു. കോൺഗ്രസിനുള്ളിൽ പി വി അൻവർ വിഷയത്തിൽ പ്രതിപക്ഷ നേതാവും മറ്റ് മുതിർന്ന നേതാക്കളും രണ്ട് തട്ടിലാണ് ഉള്ളത്.
Also read – പി വി അന്‍വര്‍ സമാന്തര ഭരണസംവിധാനം ആണോ: ഫോണ്‍ ചോര്‍ത്തലില്‍ രൂക്ഷവിമര്‍ശനവുമായി ഹൈക്കോടതി
നിലമ്പൂർ ഉപതെരഞ്ഞെടുപ്പിന് ശേഷം കോൺഗ്രസിനുള്ളിൽ വി ഡി സതീശനെതിരായ അസംതൃപ്തി ഉണ്ടായിരുന്നു. പി വി അൻവർ വിഷയത്തിലാണ് കോൺഗ്രസ്സിൽ ഭിന്നത രൂക്ഷമായിരുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
