കേരളത്തിന്റെ 13ാമത് മുഖ്യമന്ത്രിയായി വി ഡി സതീശന് സത്യപ്രതിജ്ഞ ചെയ്ത് അധികാരമേറ്റു. രാവിലെ 10.15ന് തിരുവനന്തപുരം സെന്ട്രല് സ്റ്റേഡിയത്തില് നടന്ന ചടങ്ങിലാണ് സത്യപ്രതിജ്ഞ ചെയ്തത്. ഗവര്ണര് രാജേന്ദ്ര വിശ്വനാഥ് അര്ലേക്കര് സത്യവാചകം ചൊല്ലിക്കൊടുത്തു.
പ്രതിപക്ഷനേതാവ് പിണറായി വിജയന്, സിപിഐഎം സംസ്ഥാന സെക്രട്ടറി എംവി ഗോവിന്ദന് മാസ്റ്റര്, സിപിഐ സംസ്ഥാന സെക്രട്ടറി ബിനോയ് വിശ്വം, എ എ റഹീം എം പി, രാജീവ് ചന്ദ്രശേഖര്, രാഹുല് ഗാന്ധി, പ്രിയങ്ക ഗാന്ധി, മല്ലികാര്ജുന് ഖാര്ഗെ, കെ സി വേണുഗോപാല്, കര്ണാടക മുഖ്യമന്ത്രി സിദ്ധരാമയ്യ, തെലങ്കാന മുഖ്യമന്ത്രി രേവന്ദ് റെഡ്ഡി തുടങ്ങിയ പ്രമുഖ നേതാക്കള് ചടങ്ങില് പങ്കെടുത്തു. തമിഴ്നാട് മുഖ്യമന്ത്രി സി ജോസഫ് വിജയ് ചടങ്ങില് പങ്കെടുത്തില്ല.
Also Read:കേരളത്തിന്റെ സഹവർത്തിത്വ പാരമ്പര്യം സംരക്ഷിക്കണം; ഒറ്റക്കെട്ടായി നിൽക്കണമെന്ന് സിപിഐഎം
അതേസമയം മന്ത്രിസ്ഥാനം ലഭിക്കാത്തതില് ചാണ്ടി ഉമ്മന് കടുത്ത അതൃപ്തിയിലാണെന്നാണ് സൂചന. സത്യപ്രതിജ്ഞ ചടങ്ങില് പങ്കെടുക്കാന് എത്തിയ ചാണ്ടി ഉമ്മന് വേദിയില് ഇരിക്കാതെ കാണികള്ക്കൊപ്പംനിന്നാണ് സത്യപ്രതിജ്ഞ കണ്ടത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
